• October 15th, 2019

Linanga litisa nyewanyewa… likomu ze 41 000 lishwile


WINDOKO – Likomu zefitelela 41 000 lishwile mwalikweli zelishumi, mi likomu zeñata lizwelapili kushwa mwanaha kaufela bakeñisa linanga leli tuna. Liluko la Njimo neli ize limunanu ze 60 000, kungelela nilikomu ze 41 949, lingu ze 10 377, lipuli ze 25 651 ni limbongolo ze 584 lishwile bakeñisa linanga mwahala kweli ya Yenda 2018 ni Sikulu unumwaha. Lipelesa ze 312 nizona lishwile. Zeo nelipatuluzwi ki Likwambuyu wa Njimo Alpheus! Naruseb, viki yefelile hane abuzizwe ki New Era kuli limunanu zeshwile kize kai. Lipiho zeo lilatelela piho yakatengo ka Sadc, hala likomu ze 30 000 zene shwile mwa Namibia kuzwa kweli ya Yenda 2018 ni Lungu 2019, ili nako yezibahala hahulu kuli kiya litabula. “Linombolo zeo nelingilwe mwalikiliti kaufela kaliofesi zebona zamipendo yalikomu. Likiliti mokushwile hahulu limunanu ki Kunene, Omusati, Oshana, Oshikoto, Omaheke, //Kharas ni Hardap,” nekubulezi !Naraseb.

Lituso hala linanga lina nimusulo olikana bolule ba N$572. 7, mi hala teñi mali alikana bolule ba N$138.07 ki alituso zalimunanu, alikana bolule ba N$120.127 ki alico, alikana N$24 ki alituso zeñwi mi alikana bolule ba N$290 ki alituso zamezi. Mwalingambo nibabeleki bamuuso ni babusisi balikiliti viki yefelile, ngambela wanaha Saara Kuugongelwa-Amadhila naize mayemo azwelapili kutotobela. Naize mali amañwi sasebelisizwe ku alabela kwalinanga. Mi naize kutokwa bucwañi kutisize kuli muuso utalime sinca kamo ukona kutuseza sicaba. “Kakusebelisa mikwa yazwelopili muuso unyatezi kuli balimi baba utile likomu zesikai batusiwe kaku basusueza kulima lico zalikomu,” nabulezi. Mi kalulo yakulima lico zalikomu ingiwa kuli ikona kutisa sinyehelo yamasheleñi alikana N$10 000 kungelela cwalo nipeu yateñi. Nabulezi hape kuli kusaswelwi kubatwa linzila zeñwi zakulima lico zalikomu. Nabulezi hape kuli balimi bakafiwa lituto mwakulimela lico.


Albertina Nakale
2019-10-07 07:46:11 8 days ago

Be the first to post a comment...

You might also like...