Easy access at the tip of your fingers, subscribe to our daily ePaper version of our New Era Newspaper.
Home / Lindumeleti za Afilika libata kutwano mwa Afilika
Lindumeleti za Afilika libata kutwano mwa Afilika
2018-07-02Staff Report 2 Aron Mushaukwa Katima Mulilo – Lindumeleti za Afilika zeli mwanaha Zimbabwe likupile linaha za Afilika kuli lisebeze hamoho ili kuli batiiseze kutwano mwa Afilika. Nebabulezi manzwi awo hane bapotezi mubusisi wa sikiliti sa Zambezi Lawrence Sampofu viki yefelile. “Kuli Afilika ihule batu bateñi baswanezi kusebeza hamoho, mwanaha ni naha luna nikutiiseza kutwano, nikutwano mwahala linaha za Afilika,” ndumeleti wa naha DRC mwa Zimbabwe Mawampanga Mwana Nanga, ili yana etelezi sikwata nabulelezi ba New Era. Nabulezi kuli lifasi la Afilika likona feela kuhula haiba “lutaleleza muhupulo wabaeteleli baluna bapili bane babata kuli kube ni Linaha Zekopani za Afilika. Luswanezi kunga fone basiezi nikuzwelapili nimusipili. Lindumeleti zelishumi hala lindumeleti ze 19 zeli mwanaha Zimbabwe neli zezwa mwa Sudan ya Mbowela, Ethiopia, Ghana, Malawi, Nigeria, Saharawi, Angola, Botswana, Sudan ni DRC. “Luna kakuba lindumeleti za Afilika naha yaluna ki lifasi kaufela la Afilika. Mi lubata kuli babanca baluna bange mutala wo, kuli bazibe kuli kuna nizeñata zebakona kueza mwalifasi la Afilika, hakubilaezi mwa mayemo abali kuona,” nekubulezi Mwana Nanga. Nabulezi kuli muhato omunde kikuhatisa kutwano mwa Afilika, mi kuswanezi kuba nitukuluho mwakuzamaya mwa Afilika sihulu mwalinaha zebapani. “Sabutokwa kikuli linaha zebapani za ambola, kamutala Zambia ni Zimbabwe balumelelana, Angola ni Namibia, Angola ni DRC ni DRC ni Zimbabwe nicwalo cwalo,” nabulezi. 2018-07-02Staff Report 2
