New Era Newspaper

New Era Epaper
Icon Collap
...
Home / lipantiti ufumana N$50 000 yakunatiwa

lipantiti ufumana N$50 000 yakunatiwa

2023-01-16  Maria Sheya

lipantiti ufumana N$50 000 yakunatiwa

Likolo la Silelezo ni Buiketo lina ni kufungulula N$50 000 kulifa mutamiwa kasamulaho akunatiwa kibababeleki bakwatolongo. 

Khuta Yepahami viki yefelile nefile Kristof Haufiku pene yeo hala matuma ane afumani kasamulaho akunatiwa kibabeleki bamwatolongo la 12 Sope 2021. 

Kezo yeo nebile teñi kwatolongo ya Hardap mwa Mariental, teñi Haufiku apikela. 

Khuta nefumani kuli kuna ni bupaki bobutiile kuli likolofalo zene afumani Haufiku kwaliutu la nzohoto neli kabaka la kunatiwa kwasikwalo kimubeleki wakwatolongo.

“Nifumana hape kuli kakuya kabupaki bakeñisa kunatiwa mubilaeli (Haufiku) naholofezi, kutisa sitombo sesi bonahala nikululuha liutu nikuutwa butuku,” nekubulezi muatuli Orben Sibeya mwakatulo yahae. Naize mapokola nebana nikulemuha kuli Haufiku uka holofala hane bamunata kwasikwalo. 

Kacwalo kitukelo kuli afiwe N$50 000. Hakilwapili khuta ifa likolo la silelezo mulatu hala kunata batu. 

Mwakweli ya Muimunene 2022, Jane Owoses nafilwe N$145 000 kasamulaho akunatiwa la 2 Mbuwana 2019 kimapokola, masole ni mapokola bamuleneñi Windoko mabapa nindu yahae mwa komponi ya Windoko ya Mutulo. 

Khuta hape isa sweli kutalima mizeko yebalwa yabane banatilwe imapokola.


2023-01-16  Maria Sheya

Share on social media