• December 6th, 2019

Masole babanyazwa kabubulai bazekela kwande


Maria Amakali, Selma Ikela 

WINDOKO – Limembala zepeli za Sisole sanaha Namibia, bane batamilwe kalikakalezo zakukunupa batu bababeli mwa mungendenge wa Lihalaupa la Kalahari, nebalumelelezwi kulibelela mizeko yabona kwande, hane babonahalile mwa khuta yamuatuli yomunyinyani mwa Katutura. Masole bababeli babalimbilwe mulatu wabubulai nebalukuluzwi kasamulaho wakulumelelwa kulifa N$2000 muñwi ni muñwi kimuatuli yomunyinyani Johannes Shuuveni. Mulele Darrel Nyambe nalukuluzwi viki yefelile haneli Gerson Nakale nalukuluzwi kale kuzwa la 7 Muyana. Mizeko yabona ne ezezwa kwamukunda. Nyambe natamilwe kulatelela kezahalo yakukunupwa mwakweli ya Muimunene, kwa Benisius Kalola mwa Katutura.

Haneli Nakale ukulubelwa kuli nakunupile mwana naha Zimbabwe yanali mukwaezi Talent Fambaune, mwakweli ya Mbuwana mwakomponi ya Greenwell Matongo. Muzeko wa Nakale noisizwe la 22 Njimwana kulumelela lipatisiso zasipokola kuli lizwelepili. Kanako yeo Nyambe nakupa simubuso kuzekela taba yahae kwande, limembala zasicaba neba sikalumelelwa kukena mwa khuta. Nelitaba yeswana nimwaponahalo yapili ya Nyambe ili teñi limembala zeketahani zasisole nelikwalile minyako ya khuta, mi bamakande nebasalumelelwi kunga maswaniso aya nyazwa. Hala litumelelano zakulukululwa kwahae, khuta nelaezi Nyambe kuli asike aisilinga nilipatisiso zasipokola zezwelapili kapa lipaki zamuuso zaziba. Kuekeza hakoni kuzwa mwa Windoko asika lemusa mubatisisi wataba yahae.Hane babulela ni New Era balubasi lwa Kalola nebasikatabiswa kibuiketelo bwa khuta, bwa kulukulula Nyambe kuli alibelele muzeko wahae kwande.

 “Halu ikutwi hande. Taba ye iswanelwa kutalimwa hape. Lubasi lwa yanyazwa nebasika ikupela maiswalelo kuluna. Nyandi kona hana sanzo pumbekwa liviki zetalu zefelile mi yanyazwa ulukuluzwi. Haluikutwi hande,” nekubulezi Martha Kalola, kezela nyandi. Mwaliñolo lalipilaelo lene liya kumuzekisi wamuuso, lubasi lwa nyandi nelu ize khuta nesa swaneli kulukulula Nyambe, bakeñisa kuli usweli situlo sabutokwa mwasipokola sanaha. Lubasi hape luinzi mwasabo yakuli akaswana aisilinga ni lipatisiso zasipokola. Lipiho zasipokola kanako yakezahalo neli ize Kalola nakunupilwe katobolo ya AK-47 kwamukokoto kwakomponi ya Smarties, mihato yebalwa kuzwa kwandu yalubasi lwa hae mwa Katutura. Kalola natimezi kulatelela kuholofala kwahae, mwasipatela sesituna sa Katutura lihola zesikai kasamulaho aku kunupiwa. Nakunupilwe limembala zasipokola hane basweli kuseca lino zekola ili teñi kalulo tuna yamatokwani nafumanwi mi lifosi zetalu nelitamilwe. Muzeko wa Nyambe noisizwe la 29 Sope 2020, kulumelela lipatisiso zasipokola kuli lizwelepili.


Maria Amakali
2019-10-07 07:48:27 | 1 months ago

Be the first to post a comment...

You might also like...