Masole banaha Botswana ili babanyaziwa kuli bakunupa batabile, mi bakulubelwa kuli sebabulaile bayahi banaha Namibia babafitelela mashumi amalalu mwasikiliti sa Zambezi, baitumelezi kuambuka kutukufaza bayahi babapila kwamukulela wanuka ya Chobe.
Likwambuyu yabona zakwanda’ naha Netumbo Nandi-Ndaitwah viki yefelile nataluselize Ndu Yamilao, kasamulaho apoto yahae mwa Kasane ni likwambuyu yasweli situlu sesiswana wanaha Botswana Lemogang Kwape. Mukopano wamakopanelo no ezahezi la 2 kuisa la 3 Muimunene.
La 5 Njimwana ñohola mizwale Tommy yanana ni lilimo zenashumi amane kazelobapeli, Martin yanana ni lilimo zemashumi amane, ni Wamunyima Nhcindo yanana ni lilimo zemashumi amalalu kazesilezi, ni muhabo Sinvula Munyeme yanana ni lilimo zemashumi amane kazene, neba bulailwe kimasole banaha Botswana.
Mafu abona natisize bunyemi hala bayahi banaha Namibia, mi kikafo mukopano hala linaha zepeli nona ni kuezahala kulika kufita fatumelelano yakupila hamoho. Mwamukopano naha Namibia nehatelezi tokwahalo yakuli bayahi banaha Namibia bano lumelelwa kuikola limbule zefumaneha mwanuka ya Chobe, ili fobapilela kusina kutukufazwa kapa kuba ni sabo.
Naha Botswana nelumelelani ni manzwi anaha Namibia, kakuekeza kuli sicaba sisimuluha kwalusika luliluñwi.
“Nibata kulemusa ndu yamilao kuli mwapoto yaluna yamakopanelo, neni fitisize lipilaelo zabayahi banaha Namibia hala kuikabela limbule zefumaneha kwamuseto, hamohocwalo ni takazo yakupila hamoho mwakozo, ili taba yeli mwakozi bakeñisa kutukufazwa ni kukunupwa kimasole banaha Botswana,” Nandi-Ndaitwah nabulelezi limembala zandu yamilao Labulalu. Poto yamakopanelo ne ezizwe kulika kukandeka ni sicaba hala butokwa bwakupila mwakutwano.
“Kikalibaka leo kuli mwapoto yaluna neluhatelezi tabo yeswanelwa kuikolwa kibatu balinaha zepeli nikuikabela limbule zefumaneha kwamuseto,” nabulezi.
Pili mukopano wamakopanelo sikwata sanaha Namibia nesikile sapotela libaka zefumaneha kwamuseto mwasikiliti sa Zambezi kukala la 12 kuisa la 15 Kandao 2021. Sikwata sa naha Botswana nisona nesi ezize cwalo kwalineku la naha Botswana.
“Mwamukopano wakuituta mwasikiliti sa ambezi, neni ezize mikopano ni batu babutokwa, ili baeteleli basizo, bababona zabupoti ni balwaneli basicaba. Manzwi abona abutokwa nazibisize ngambolo yaka ni naha Botswana,” nekubulezi likwambuyu.