• November 18th, 2018
Login / Register

Maticele babasina misebezi bacaula mwa Rundu

Languages
Languages

John Muyamba Rundu-Maticele ba mwanda ili bao balitezi kufiwa mishukwe silimo se, nebakamuhezi kwaofesi yasikiliti mwa Rundu kuyo tambeka pampili yalinonge kumuzamaisi watuto mwa Rundu Fanuel Kapapero. Balaela kuli liluko litalime taba yakufa tuto yakufumana zibo mwabuticele, kwamaticele babafita fa sikiti babaitekezi kuluta banana babali kwalitopa zenyinya, nombolo yeswana ikana ibateñi mwalilimo zetalu zetaha. “Taba yakufa zibo maticele babañwi iyemiswe kakuli naha isweli kufumana maticele babaitutile silimo ni silimo, babasweli kuituta lituto zeo baswanezi kuya kwa likolo zepahami,” nekubulela liñolo lene libalilwe ki Kazungo Nikodemus kakuyemela sikwata. Kapapero nahanile kuto amuhela liñolo, kamabaka akuli nasikazibiswa zakucaula ko. “Kuna nimilao yeswanezi kulatelelwa yeo sikwata se nesisikalatelela,” Kapapero nabulelezi ba New Era. Sikwata sene siyemela maticele babafita fa myanda yeketalizoho naha kaufela, sibata kuli liluko la tuto lizwise misebezi maticele kaufela babasina mapampili akuli babe maticele, ili kuli bona bafiwe misebezi yeo. Mwa liñolo labona nebabonisize kuli liluko liswanezi kubona kuli maofesi alikiliti kona afa misebezi, isi babahulu balikolo, babulela kuli taba ye kona yesetisize kuli kufumanehe maticele babañata babasina mapampili abuticele, kakusebelisa bulyangelino, nikufa misebezi kwabatu bebalata, ili taba yetisa kuli mayemo atuto anyazahale. “Bazamaisi basike banyatela mapampili azwa kubabahulu balikolo akuli misebezi ifiwe baba sikaituita. Bazamaisi mwalikiliti kaufela ze 14 basike bafa mabaka hala kufa misebezi kubaba sikaituta aswana sina akuli ticele uhanile kuyosebeleza kwamatakanyani – haiba kucwalo mubize ticele yana nimapampili ayosebeza kwateñi,” nekubulezi Nekudemus.
New Era Reporter
2018-02-26 10:22:06 8 months ago

Be the first to post a comment...