New Era Newspaper

New Era Epaper
Icon Collap
...
Home / Mavango gokuwekera yikora kuna gaturapo moOshikoto

Mavango gokuwekera yikora kuna gaturapo moOshikoto

2020-02-27  Albertina Nakale

Mavango gokuwekera yikora kuna gaturapo moOshikoto

ETOSHA-Nonkambadaro dokuninka asi vatungimo momukunda gwaOmuntele vahepa kugwanenamo uwa, moyikoroma novadinguli, epangero kaligeve mbudi ezi asi kuna kukaturapo evango lyauvali lyokuwekera yikorama. Dogoro papa ngesi Oshikoto kuna kara tupu neKing Nehale, eli lina kara ngesi asi evango lyenunu unene, mokutura kumwe sivaro nye sovantu konyara wokusika ko 20 000. 

Omuntele kwakara mukunda nomurudi gwaEtosha National Park, lina kara asi evango limwe lina kureta unene vadinguli mosirongo setu Namibia. Evango eli kuna kara uturo kovaNamibia vamwe ntani kureta uwa kovadinguli yipo vatware mbudi zina wapa nawa nawa. Ministera govadinguli ntani noukungi nsitwe kapandwire vatungimo momukunda Omuntele eyi vakara tavapopere yikorama yina kara ngwendi yimpanda, novanzovhu mokupitira melikwamo lyovaporosi.

Nsene nayigenda nawa asi nayinye yize mouta wakora, ngayiretesapo yirugana ntani kureta unene nye vadinguli. Kuna hara elikwamo eli litameke ntani lize mouta wakora yipo vantu vetu vagwanenemo uwa. Egano limwe nye tuna kara nalyo yipo vanytu vetu vahagazara nkenye apa asi yikorama yinyama nye nani kuvhura kuretamo yiwizamo yimwe melikwamo eli navavhura kuruganesa nawa. Kuvhura vafute mfuto zovana vawo kosure, kufuta mema, kutunga yipangero gona, nayimwe hena eyi vahepa vatungimo. Yimo ngoso ana kufaturura Shifeta. Age katente asi dogoro papa ose kuna kara tupu nomavango 86 aga vana wekere yimuna vana kugwanena uwa. Morwa kukara nye pepi nevango eli vawekera yimuna vatungimo kumona maudigu kutundilira koyikorama. Yipo nye asi kansela gwaOmuntele Sacky Nangula katente asi, yiyo nye yavaninkisa vawizepo negano lyokutulisapo evango lyokuweka yikorama.Nangula katente asi awo nare vatulisapo komitiye ava vagava nare nombapira dawo komberewa zaShifeta. Mukunda ogu kwakara nepiro yirugana lyokuzeruka. Apa nye nsene navagwana evango eli, vantu vatiunga momukunda tavagwanenemo mauwa rambangako noyirugana. Vantu ngesi vanadiva asi yinke mpamwe nayikarera mulyo kukara nevango lyokuwekera yikorama. 

Nangula simpe katente asi kuturako darate kevango lyaEtosha, hawe nayiretesapo mauwa morwa marwanambo pokatji kovantu noyimuna tayisesupa momukunda omu, nokugwedako asi vantu vatunga momukunda kukara noyigongi vatare asi ngano ngapi navagusapo udigu ou pokatji koyikora novantu. “ Nsene asi yikorama yina tundu mevango lyayo, kuyadipaga yimuna ntani mahangu momapya nago kugazonagura, ngesi twahepa nye kusika pontambo zokupopera nayinye eyi. Yikorama yomo wiza udigu unene ayo hena yidona. Yipo nye asi epangero lina yimono asi udigu una karapo yipo nye vana kuyawapukurura darate ezi mokupopera nomwenyo dovantu noyimuna yawo. Yimo ana kutanta ngoso Nangula. Shifeta katente asi ministeli kapi zakara nelikwamo lyokufuta nsonso kwava vana kuzumbanesa yimuna yawo koyikasama eyi. Nye awo kugavako tupu yongandi nye kapi ava gava yimaliwa kovanyandi. Ame kumona nomiliyuna dononzi edi vana kugwana vantu. Konyara yimaliwa yokusika ko70% kuza unene konombaha. Kwato yimaliwa eyi ava gava konkarapamwe. Eyi kuna tamba nye malikwamo gonkarapamwe. 

Nkarapamwe zahepa kudiva asi maudigu musinke vana kara nago, ngwendi yipangero ntani kugwana mema. Shifeta yimo ngoso ana kuvatantera. 
-anakale@nepc.com.na


2020-02-27  Albertina Nakale

Tags: Khomas
Share on social media