Easy access at the tip of your fingers, subscribe to our daily ePaper version of our New Era Newspaper.
Home / Mayumbelo a matakala a tisa maswenyeho kwa baituti
Mayumbelo a matakala a tisa maswenyeho kwa baituti
2015-05-11Staff Report 2 WINDHOEK Baituti kwa sikolo sa University ya Namibia kwa nkambe ya Katima Mulilo ba fitisize sililo kuamana ni mayumbelo a masila ali mabapa ni sikolo kuli a tisa makete maswe. Mubakweli ku mueteleli ya yemela wa bana ba sikolo Hosticks Ndozi, u tiselize nonge ya yabona mabani, ka kutalusa kuli kuezahezi mikopana ha?a?ata mwahali a bana ba sikolo ni katengo katolopo kono ishee, akuna tuso ni yekena yebonahezi. Baituti ba mwalikayamana sihulu babeleki habachisa matakala, musi o sifanu u ambalakana sikolo kaufela. Muyemeli wa bana ba sikolo u ize, nebafitisize nonge ya bona silimo sesifelile kuli mayumbelo a matakala a shimbululelwe kusili kono ba katengo ka tolopo akuna seba ezize. Tatululo yenefitilwe kuyona mwa mukopano wa silimo sesifelile ni Mayor wa Katima Mulilo, Charles Matengu neli kuli mayumbelo a matakala a shimbululelwe kwa hule ni batu kono a kuna sesiezahezi, seo simakalalisize bana ba sikolo. “Makalelo neluchauzi mwa likululu ni kuyoba ni mukopano ni mueteleli wa sikiliti, Lawrence Sampofu ni Mayor, Charles Matengu kuamana ni nonge ya luna. Ka nako yeo nekulumelelanwi kuli sibaka sitashimbululwa. Ka bumai la Mubulo luboni fela musi o munsu u tunya kuzwa kwa mayumbelo a matakala. Ba palezwi kutazeleza sepiso ya bona. Lupalelwa kuituta hande, boko bwa luna a busebezi hande. Kumaswe kuli mane u palelwa kubona muhabo wena ya zamaya fa pata a hao,”yomumwi kwa bana ba sikolo a fitisa pilaelo. Bazwezipili ku kupa muso kukona kutalima taba ya mayumbelo a matakala a fumaneha libima ze 800 m Wiko wa sikolo sa nkambe ya Katima Mulilo. “Sina hanili mueteleli ya yemela bana basikolo, ni talusa ze mwa sibaka sabona, lukupa kuyakwelwa mwa mayemo a maswe a, pili sichaba ba sika maiba kale baeteleli ba kamuso,” kwa talusa Ndozi. Mayor Matengu Mabani u ize, katengo ka tolopo kana ni liseli kazataba yeo, kacwalo ka patehile kubakanya mayumbelo a masila a kwahule ni bayahi’. “Lufumani kale sibaka sesinca kono likayamana lelutalimani ni lona ki la mashelenyi a kubakanya sibaka seo. Musebezi u tabata mali a fita kubo lule. Lutokwa bo chaziba kueza musebezi wo. Luna ni sepo ya kuli musebezi u tapetiwa mwa musulo wa mali wa unumwaha,”kwa sepisa Matengu. Hape u ekelize kutalusa kuli mayumbelo a matakala aluna hayo mwa lukwakwa, kacwalo batu bayo fafatanga kupumbaula lico zebolile ni lika zemwi ze yumbilwe kale. 2015-05-11Staff Report 2
