New Era Newspaper

New Era Epaper
Icon Collap
...
Home / Mbambo kuna kuza norugendo kosirongo saZimbabwe

Mbambo kuna kuza norugendo kosirongo saZimbabwe

2017-06-15  Staff Report 2

Mbambo kuna kuza norugendo kosirongo saZimbabwe
John Muyamba Rundu-Nguuru gomukunda Kavango zoupumezuva Ndokotora Samuel Mbambo kuna kuza norugendo oru ana kugendesa kosirongo saZimbabwe ure wosivike vana kukadingura mukunda gwa Mashonaland. Edinguro eli kuna liretesapo omu vana hara kukagwana udivi nomagano asi ngapi navazangura nombuto, morwa vaMashonaland kwadivikwa asi kwayidiva kulima. Sigendo kasizire moutano kaupwilreko ano kuna kuva ndindira vakatengure momapeu aga tuna yuka. Mbambo age kakagwene nye sigendo sendi monkurumbara zaZimbabwe moHarare, omu kavakavatambwire vana mberewa wokurugana momberwa zaNamibia mosirongo sina makura awo kumwe nokutwikira norugendo rwawo. Rugendo oru kunahepa nawa nawa kukayitara yipo tudive asi ngapi omu avarugana vazangure mosirongo sina, unene momukunda Chinhoyi gwakara moMashonaland, omu vatu tantera asi awo kuzangura nondja dononzi momukunda ogu. Ose momukunda gwetu nose tuna tulisapo elikwamo tuna kumbura asi werengendje. Ose tatuzi nye tukalironge yoyinzi yipo asi tuyayiruganese nose oku kwetu. Yimo ngoso ana kutanta Mbambo komeho akatuke. Mbambo katjangwilire rugengendo oru asi narutulisapo ukwawo, morwa kuna kara asi konyima zomudingu awo navakatulisapo elizuvho varuganene kumwe eli nalikara asi lyokuzangura nondja. Eli etameko, ose ngatu kasika dogoro posiruwo esi ngasi kara asi twahepa kunyatera eruganeno kumwe eli. Ose kuna kugazara asi vamwe vawo vakara noudivi vahepa kuwiza vayagave madeuro kovantu vetu unene vanandima, yikunwa kunwa ntani omu noweka nongombe ndi twahepa kutuma vantu vetu koMashonaland, oku navakagwana madeuro yipo asi vakatengure vayadeure nawo vakwawo. Egano nalinye kwakara asi twahepa kuzangura nondja dinagwanene kupitira melikwamo werengendje. Yimo ana kuyinkondo peka ngoso Mbambo. Age katente asi sigendo kunakaramo vamwe wokonkurusure Unam, morwa nawo vana kara negano lyokuretesapo sirongwa sonondima. Sigendo kunakaramo vanafarama woykunwakunwa, wokuweka nonhunhwa, nayimwe ngoso ntani yikunwa nye nayinye vahepa vanandima. Ntani vanangesefa vamwe vakara asi kwalihamesera melikwamo lyovadinguli,  ntani mararo vagenda nawo vamwe kavakere asi wosigendo oso. Caption (Mbambo): Ndokotora Samuel Mbambo
2017-06-15  Staff Report 2

Tags: Khomas
Share on social media