New Era Newspaper

Top Featured
Icon Collap
...
Home / “Mbituhepa no ku vanga ka naa turaerwa i Itula,” -Tjeja

“Mbituhepa no ku vanga ka naa turaerwa i Itula,” -Tjeja

2020-11-27  Kae Matundu-Tjiparuro

“Mbituhepa no ku vanga ka naa turaerwa i Itula,” -Tjeja

Otjomuise- Orutu Rwehi Rotjizeero ma rut ja omunane wo tjira ihi Independent Patriots for Change, ousupi o IPC, notjira ihi va ruruma omikoka mo ku humba, oku hemba no ku nyekerera mo tji porotika epu rEhi Rotjizeero no ngamburiro no mbazu yo vati no vakuru.

Tjeja Tjatindi, umwe wo zo horoose mo rukosi rokutja omausemba wEhi rOtjizeero no ma kotorrero waro u zemburukwa. Watja nao mo ru tuu ndu rwa tjanga na ru hindi komunane wo IPC, Onganga Panduleni Itula. Itula mo ru kosi rwo ma toorore rwo tjira tje po mbongarero imwe yo mo rupanda omayuva wo ma suviro ngazuko, owo ngari omaseinina ko mu rungu wo ma toororero ngari mo Tjiratatu rotjiveke ihi, wa zuvakere na yarirwa po iyo zombuze ama tja ehi rotjizeero kariko. “Kapena ehi rotjizeero mo Namibia-Itula,” otjiuru tjo mbuze imwe mo ngoramambo indji o The Namibian tja resere nao Omandaha.

“Omunane wo Independent Patriots for Change, Panduleni Ithula, watja ovoporotika mbeyanisa kovandu oku vepa ehi rotjizeero kavesere oku twarewa kotjiuru poo oku toororwa,” makuzu Itula watjere. Wa ryamene ko mu  rungu natja eye ke pe zuu kutja ongwaye ovoporotika tjiva tji ve pukisa ovandu no “mahaka ngehino’ zongunÿe” kutja penehi rotjizeero. 

“Oha¿i yo ku vyarera mo porotika. WaÞunu ozondje ko mi tjira. Waraisa kutja oove omundu ngu he ripurire kovandu varwe,” Tjeja wa tjanga nao mo ru tuu ku Itula.  “Imba mba pandjara ehi nu ngamba mbe kayenda ko mu rungu oku pandjara ehi, kavehepa oku yandjerwa iyove kaparukaze, otjira tjoye poo ka ngamwa auhe ngu hino’ ndengero no mausemba wo vandu no vi wa¿a wehi rotjizeero,” Tjeja matja ku Itula ama weza ko kutja ozondekurona za imba mbaihamwa mave pe tjiwa nana kutja owo vehepa tjike nu ve vanga tjike. “Ete turimba oku yarurapo oviwa¿a vyetu nu kunao otji tu hino’ kuhepa ongurameno ohazerwa no tjindandi yoye no tjira tjoye,” Tjeja matja.  We mu ningire oku nanununa omambo we inga.


2020-11-27  Kae Matundu-Tjiparuro

Tags: Khomas
Share on social media