Easy access at the tip of your fingers, subscribe to our daily ePaper version of our New Era Newspaper.
Home / Mbunga Za Swapo Kapi Zina Hara Kukumbururako Konombudi Da Zimbabwe
Mbunga Za Swapo Kapi Zina Hara Kukumbururako Konombudi Da Zimbabwe
2008-04-10Staff Report 2 MoVenduka hamutjanga gwazo gomapukururo Jerry Ekandjo katente asi eyi kuhoroka ngesi moZimbabwe yova Zimbabwe mbunga zendi zo SWAPO nepangero lyazo kapi tavalituramo. Apa kauyungisire vanambudi, Ekandjo katente asi mbunga zendi kapitazi kumbururako morwa oyina yomosirongo peke ose kuna kuuyunga yetu mo Namibia. Kagwedereko asi yitundwamo simpe kapi vana yigava ngapi - Ngapi no kumbururako. Ekandjo katente asi oyo tatuyisigire va Zimbabwe vene vayikohonone. Age kakumbwilire konombudi da RDP, edi kageve Hidipo Hamutenya dokuhamena komaheroworo mo Eenhana. Sivike kasipwire Hamutenya katente asi mahoroworo aga kapi ga wepe, mbunga zaSWAPO kazitjilisire vantu ntani kwaruganesa ungawo wepangero. Ekandjo katente asi Hamutenya nare gagusa, kuhamena momahoroworo gomo Namibia, kutunda tupu apa tuna tameka dogoro ngesi kwato kapi gatantako yuma, neina ntani nye ana kuyimona ndi? Age kwakere muSWAPO ntani nemepangero eyi kapisi yipe kwendi. Ekandjo kapatanene asi oyo ana rugana Hamutenya yimpempa yakahurako. Vantu womoSWAPO kuna kumumona asi ana hara kulikulika mwene nokutengwida eyi yina kuhoroka mosiroko setu konyima. Age kuna kulikida ufeke wamwene. Ekandjo ogu ana kara gomuhowo kuhomokera RDP katente asi Hamutenya gumwe gwava vatulirepo noveta domahoroworo ngesi ana hara kutanta asi kapisi gumwe gakere? Namibia kwakara nongendeseso zonoveta, yipo asi Hamutenya nsene ana kara noumbangi aka rapote. Ekandjo katenta asi RDP mokuhaga zina yuka, age kahundilire vantu ava vana kalimona vene ngwendi Judas Iscariot moRDP vatengure ko SWAPO. Mahoroworo mo Eenhana kuna kumoneka nawa, nawa asi vantu kapi vanahara RDP. Ekandjo katenta simpe asi Hamutenya morwa kupira kwendi kumuhorowora mombunga za SWAPO ana kahagera nye mongesefa zahana mazuru. Age katente asi RDP kapi garugene ndi asi atantere vantu womo Eenhana asi vakavahorowore. Navenye ava ngava kara po yigongi yawo kapisi vatungimo wo moEenhana. Awo kwakere nosigongi simwe tupu mo Eenhana ano vantu vakerepo 20 tupu, sinzi sava vakerepo kapisi vahorowoli. Ekandjo katente asi yimo ngatu varugana hena momahoroworo gomo Omuthiya mbunga za SWAPO nare vakara nongendeseso mo Omuthiya. Age yipo katente asi hamutjange ntoni go SWAPO kaka uuyungisire sigongi moOmuthiya. Vadinkantu, velike tuna hara vawize koSWAPO morwa vakondi nare VaSWAPO. Simpe kapi vana tura ezuva lyomahoroworo mo Omuthiya aga varundwilire mwaMurongankuru mvhura zeezi. 2008-04-10Staff Report 2
