Home / Meriam Karokohe o Miss Otji-mungunda Meriam Karokohe o Miss Otji-mungunda
Otjomuise Meriam Karokohe onguri omusukona otjihaori wo Tji-mungnuda tjaukirwe nao iyovayandje vozongombe kombunda yomayatero wozombaze momuzaro wombazu Orovyungura ngurova petuwo romerinaneno rOtjirata tjOrukondua rwa Khomasa. Otjitjitwa ihi tjitja karereko nganduu Osondaha ovitukahuka, tjasembamisirwe iyOnganda yOtjimungunda. Omusukona omutenga ku Karokohe yari Uaraa Fathima Ngavetene noutjavari kuye Jackylario Kaeka. Omberipa yombepo ombwa o Valery Kambatuku. Kapesere oku kara omundu umwe kutja ovombo ovayate voxombaze oveni, poo ovasuvere vomizumbi, ovasuvere vomizaro naimba ovasuvere vomuzaro wombazu mbatja vetja kanaa vari nonyune movitjitua mbyaripo omayuva womasuviro ngazuko. Ovimbimba novimbumba vyari tutire navi kakara povitjitjitwa ihi avyurisa etuwo romerinaneno indi oku katarera kutja omuzaro wombazu tjii kundinondi uri pongee ndondo. Otjovayate vozombaze tjiva harerere kombanda yondongamo amaveriseri nozonya zawo kovyuru otjainÿa ozongombe zawo nÿapetura, nu munao avepe ovatarere onyune yapeke, indji kandjaru onyune porwe yongurova indji. Potjitjitwa ihi tjingetjo pari ovayorokise va katjoruhonga mombii indji yo muzumbi okuza kOviritje, pupari Ben Mutjangatjike Muundjua na Tjonga Tjongile; One Blood morupa romizumbi ondwi ndutjiukwa otjo Disco; nu wina otjitwako orwazo ko tjitjitwa ihi, pari Omwiimbure wa Namibia wOmbura mOvarumendu, Big Ben, nai nguna otjikrone tjo NAMAs tjo 2016. Otji tjitwa tjimatjiya tjikayande ovataare tjivazire nokutjiukisiwa, omusema ausire tjinga ovatarere avawire morupare romapundiro. Tjandje Mutjanga na Tjonga vatjite otjitjao kapena omundu ngwasewa aahama avehe very kozombaze mavewonyotorora omyengo mbya kanda.
Your experience on this site will be improved by allowing cookies.
