• September 21st, 2018
Login / Register

Minwelo yababanca ibilaeza Mueteleli Geingob

Languages
Languages

Albertina Nakale Windhoek – Mueteleli wanaha Hage Geingob ubilaezwa kiminwelo nisebeliso yalino zekola yababanca mwanaha Namibia sihulu kwa mitangana. Geingob ili yo Labulalu naboni sikolo sesipahami sa Unam samakete hasicincwa nikukala kubizwa kalibizo lahae, nahatelezi kuli batu banaha Namibia balumela kuli naha yamakete sakata iswanezi kuba naha yezwelapili, kacwalo kubulukela mwamaketo kona bukamuso bwanaha. Kono kinto yebilaeza kuli batu habatokomeli zamakete abona mi habamatafazi mibili yabona, kono batokomela feela litaba zakusebelisa zekola nikunwa bucwala, mueteleli nakile abulela. “Ukabona mapokola babañwi, masole mane nihaike makwambuyu nilimba zetuna,” nabulezi. “Haniyozwa kwanda naha neniboni babanca inge banwa bucwala kuti nebasina zakueza. Banana banyinyani, isi bao feela kono mitangana inge banwa bucwala. Haniya kwakeleke kutezi feela basali ni likalibe. Baana bakai? Mitangana basweli kuzuba nikunwa bucwala. Habaya kwandu bayofumana kuli basali ni likalibe batalifile kubafita kakuli babala libuka. Mi bakala kubashwela muna mane bababulaya,” Geingob nabulezi. Nahatelezi kuli kikwabutokwa kuli batu balemuha makete abona nikuli bakenisa lilalanda zabona. Kikafo la 25 Kandao ukahatisa taba yakukenisa naha kaufela kamutomo otwi: ‘silalanda sesikena makete amande mwanaha’ mi mulelo kikubata “kumbweshafaza makete alilalanda molupila nikubukeleza makete asicaba,” nabulezi. Geingob naize sikolo samakete kisabutokwa kakuli sibapala kalulo yende mwakubukeleza bukamuso bwanaha Namibia. Naize baituti babakaituta zamakete baitukiseleza kuba babukelezi banaha hakubulelwa zamakete. “Batu bamubu nebanifile musebezi wakuetelela litaba zazwelopili mwandu ya Namibia. Ni amuhela taba yeo kono kimusebezi otata mi kitaba yebeya fahalimu makete abatu mwalitaba zakuhula mwazwelopili,” Geingob nabulezi. Nakile asupa kwamilelo yamaketo yefumaneha mwamulelo wa NDP5 ni Harambee ili yekabona kuli bana banaha Namibia kaufela baya kwalipatela zamayemo amande kasilimo sa 2022, ili kalulo yekananula lilimo zakupila kwabatu kuisa mwa 67,5 kuzwa mwalilimo zacwale za 59. Kuse kubonahalile kuba nikufukuzeha mwamafu abaima habaya kwakupuluha kwalipatela. Naize baituti babakafeza lituto zabona kwasikolo se, bakatusa naha Namibia mwakubona kuli milelo yakuli hakuna musali yatimela mwanako yakupuluha.
2018-05-14 09:41:06 4 months ago
Share on social media

Be the first to post a comment...