New Era Newspaper

New Era Epaper
Icon Collap
...
Home / Mugara kadipagere mumbyendi morwa makongo goyimaliwa yokusika ko N$20.00

Mugara kadipagere mumbyendi morwa makongo goyimaliwa yokusika ko N$20.00

2018-06-21  Staff Report 2

Mugara kadipagere mumbyendi morwa makongo goyimaliwa yokusika ko N$20.00
Selma Ikela WINDHOEK–Vanekoro ngesi kava kere vana vagaununa, morwa marwanambo aga kaga horokere pokatji kovantu namukurwendi kayitwarederere gumwe vamukwate ano ogu gumwe ngesi kuna kuwapayika ehoreko lyendi. Kurwana oku kakutamekerere morwa gumwe ndi nakufa kwagusa makongo goyimaliva yokusika ko N$20 omu yina kuzuvhika asi kwayikorota morwa kurandesa yitare kogoogu arandesa nyama zokudosa. Mugazarerwa Immanuel Nepela, gonomvhura 28, kakamonekere kompanguro zakatutura momandaha morwa kudipaga mukurwendi gomukondi kwedi gedina Salatiel Nghiyolwa, morwa kamutwire nombere monompatji pevango vana kutumbura asi Ehambo dha Nehale, pevango vatura peveta asi lyokutunda morukanda rwaHakahana poyiha yonovili 00h59 momapeu. Navenye nakufa nogu ana hupupo kuruganena pevango limwe tupu. Nepela erapoto lyendi eli kava lirundwilire dogoro mokwedi kwaAuguste 23, yipo makona kono gatwikire nokukaturamo ehundiro lyomukarelipo poyipangura. Mupanguli Arrie Husselmann, katente asi epangero kapi lina kupulisira muntu ogu asi alifutiremo morwa sihorokwa sosinene oso. Nye nampili ngoso mupanguli ndi ahende Bernadine Kubersky katente asi simpe ana pulisire kuturamo ehundiro lyokulifutira akare ponze. Muporosi gositata saVenduka Edmund Khoaseb kayinkondopekere eyi asi ehudi lyangoso kalihorokere. “ Kwato nampili gumwe nalizuvha uwaawa kosihorokwa sangesi.” Ano vantu navakara nye nowoma komudipagi ogu, yimo ana kutanta nye mukurwawo gokukadi Soini Nghiyolwa ogu ana kara asi kuna kuwapayika ehoreko lyanakufa ngalikarako komuzogo gosirongo. Momukukwama kwendi nye age Nghiyolwa, Salatiel kusinga taxi omu areta yitare kwamumbyend Immanuel ogu arandesa nyama zokudosa, nokutanta asi namupa yimaliva yendi N$20 mwaza ezuva. Nye age Nghiyolwa katente asi kuna hara yimaliwa yendi makura yipo kavatamekere kurwana. Nghiyolwa katente asi munona yige nye kakerepo nononkondo kumwe nokuzuguma mukurwendi ano mukurwa opo nye ana kuyimona ngoso, kumwe nokugusa mbere amutwe. Makura yipo kavatokwere asi ngesi nkenye gumwe gahepa nye kuruganena pwamwene ntani gahepa kudiva nzira zendi. Hawe ame kaniyagwene Salatiel ana rara pwato honde. Makura pokumupirura ntani nakumona asi ana kara nosironda ndi asi sito. Yimo ngoso ana kutanta Nghiyolwa, ano Immmanuel nage yipo nye kakere kumwe nomu vana kumumona vaporosi vana mupandeke vamutware kodorongo.
2018-06-21  Staff Report 2

Tags: Khomas
Share on social media