Home / Mugara kaparukire mekero ure womazuva gavali Mugara kaparukire mekero ure womazuva gavali
Obrein Simasiku Omuthiya – Mugara kaparukire konomfa kutunda tupu apa kakere mekero lyomema mazuva gavali. Nkarapamwe ntani vaporosi yiwo vamwe kava kere tavapopere mugar ogu nkera anao ngesi age kuna kara mosipangero sepangero somoOmuthiya ntani kuna kuyitanta asi age kuna kupinduka nawa. Mokukwama mukurona goaporosi momukunda gwaOshikoto, komisare Armas Shivute, age katente asi ehudi eli kalihorokerere pomukundagona gwaNyuulaye , omu Nenkete Imene , gonomvhura edi vana pilire kudivilisapa apa ngesi, kakere ana zumbana membo lyendi nokuza kevango vana kutumbura asi mukundagona gomema. Ekoro lyendi kava zire vana mupapare, awo kumwe nokugwana embare lyendi ntani nonkaku ponze zetope. Awo kuna kuyigazarera asi kagwililire mekero eli lyomema yimo ngoso ana kutanta Shivute. Ose tuna haa morwa muntu ogu ana paruka morwa kapi yahwa asi muntu akare momema mazuva gavali nye simpe akare muzuni. Ame kuna kupandura vaporosi eyi kava kere vanalituramo nokulimburura usimbu, nye kapi kayikere yireru mokumugusamo mekero muntu ogu. Yimo ngoso ana kugwedako Shivute. Ano mosihorokwa simwe, vawidi kava vakwete awo kuna rondeke nongombe dowidi vatware koGrootfontein mouvali una puko. Nongombe edi kava diveke poarama vaa kutumbura asi Buffel momukunda gwa Oshikoto. Kuna kuyigazarera asi mulisi nongombe ogu gontundiliro zaAngola, gakere asi mulisi nongombe, makwedi gatatu gana pitipo kwaruganena kumwe nomugazarerwa gomoGrootfontein makura yiyo kavawizire vayarondeke nohove ntazimwe pofarama zantoni Luas Hangula, yimo ngoso ana kutanta Shivute. Nokugwedako asi kuvaka nongmbe ngesi kua kuligwederera momukunda ogu. Shivute katente asi vagazarerwa ava kava vakwete, monzira zokutunda koTsumeb vayuke koGrootontein, anao nongombe nado kavadigwene kumwe nokudigava kwamwenya farama. Ado kuna kara domulyo gokusika ko N$63 000. Mugazarerwa kuna kumutanta asi yige Jermia Shingambelo Kamati gonomvhura 20 naRay Samora Jaapi gonomvhura 26 ntani Clerene Kandjii age gonomvhura 36.
Your experience on this site will be improved by allowing cookies.
