New Era Newspaper

New Era Epaper
Icon Collap
...
Home / Muheua A Pingena Po Kapenda Ongomupresidende goNUNW

Muheua A Pingena Po Kapenda Ongomupresidende goNUNW

2006-05-05  Staff Report 2

Muheua A Pingena Po Kapenda Ongomupresidende goNUNW
WINDHOEK Alpheus Muheua naEvalistus Kaaron-da oyo ya nyauka mo meho-gololo lyaaleli yondunda-hangano yomahangano gaa-niilonga - National Union of Namibian Workers - NUNW pOkongressa onti-4 ya ni-ngilwe omasiku ga zi ko mOvenduka. Muheua oye Omupresidende omanga Kaaronda Amushangandjayi goNUNW. Muheua ngoka a pingena po Risto Kapenda, okwa li a ulikwa okandidate yuupresidende komahangano gaheyali ngoka ge li iilyo yoNUNW, na ina mona ngoka te mu kondjitha, konima sho Connie Pandeni ngoka kwa li a ulikwa koMineworkers Union of Namibia - MUN i ikutha methigathano. Eha-ngano lyAalongisikola mo-Namibia - Nantu kuyele okwa li lya kutha etokolo okwaaulika okandidate sho lya ndopa okwaadha etsoku-mwe mushika. Yamwe yo-maakalelipo yoNantu poko-ngressa okwa li yi iteeka nokuza mo mokongressa sho ya kutha etokolo kaa ya kuthe ombinga momahogololo sho okandidate yawo yuupre-sidende ndjoka kwa li ya hala, Risto Kapenda a ndopa okuyambidhidhwa koma-hangano gatatu ge li iilyo yoNUNW. Kaaronda naye okwa li kee na omukondjithi moshipundi shuuhamu-shandjayi sha landula okuu-likwa kwe komahangano agehe omugoyi. Okongressa ndjoka ya gongalele mOvenduka oya kalwa konyala kaakalelipo 400, noya egululwa pambele-wa kOmupresidende Hifike-punye Pohamba ngoka e ende pamwe nomupresidende gwotango gwaNamibia, omu-samane Sam Nujoma. Ka-penda ngoka a li a kwatela okongressa komeho ongomu-presidende goNUNW pe-thimbo ndyoka, okwa tseyitha wo eholokepo lyaAmusha-ngandjayi omukulu, Peter Naholo ngoka a kuthilwe miilonga pakathimbo oom-wedhi dha zi ko. Nonando aakalelipo yamwe pomutu-mba ngoka okwa li ye na eiyuvo kutya Naholo ka li a hogololwa nando kokongres-sa, oshowo kutya ke na uuthemba okupopitha oko-ngressa shi nasha nekutho lye miilonga, Kapenda okwe shi pondola okugandja ompito ndjoka kuNaholo opo a tye sha koshinima shoka, nona-ndo okwa li a keelewa kaa gongale poshigongi shoka. Naholo mokuthikama a popithe ngeno oshigongi, aakalelipo oya tameke okwii-gidha taya ti: 'aawe, aawe, aawe' omanga nokuli ina po-pya nando ohapu yimwe, no-kambako kokupopila oka dhimwa. Okuza mpoka moshigongi omwe ya ekuyunguto, unene sho Kaaronda a dhakula ko okambako kuNaholo, naaka-lelipo yamwe oya pula Na-holo okuthwe mo moshi-gongi. Aakalelipo oya ningile wo Naholo omatilitho - kutya otaya ithana opolisi ngele ina hala okuza mo mokongressa. Onkalo okwa li ya nika okala-mauka mosaala yOkollegi yUulongi mOvenduka sho aakalelipo yomahangano ngaka Nantu noMUN taya yambidhidha Naholo ya tili-tha okuthiga po okongressa ngele oshikumungu shaNa-holo inashi potokononwa. Naholo pamwe naayambid-hidhi ye oya thigi po osaala. Aanambelewa yopolisi okwa li ya ithanwa okugandja ega-meno pomiyelo. Okongressa oya kutha Ka-penda uuthemba okukala omunashipundi, naMuheua okwa kutha po oshinakugwa-nithwa shoka. Onkalo oya ka nayipala unene pethimbo ndyoka, negameno olya ka kindjikwa nokutulwa piiyelo ayihe. Nando aakalelipo yamwe ya thiga po oshigon-gi, mboka ya thigala po oya tsikile niikundathanwa yesiku nokukoleka omishangwa-hokololo dhongundumutima yoNUNW, oshowo dhoka dhookomitiye dhayooloka oshowo ndjoka ya guma iini-we. Muheua naKaaronda oya sindana mehogololo, omanga David Namalenga a hogolol-wa omupehapresidende gwotango. Elias Manga okwa hogololwa omupehapresi-dende omutiyali, ye Pandeni ngoka i ikutha mehogololo lyuukandidate wopaupresi-dende a hogololwa omudhi-ginini gwiiniwe. Stella Louw omupeha gwe, omanga Erago Tandus oye li omupevi-amu-shangandjayi.
2006-05-05  Staff Report 2

Tags: Khomas
Share on social media