• September 20th, 2018
Login / Register

Mukungi karoyere ozina ntani munawo morwa N$1


Selma Ikela Windhoek-Musikiriti kavamukwete morwa kuna kumugazarera asi yige karoyere mumati morwa N$1 kumwe nokuroya ozina vendi. Ehudi eli kalihorokerere pombaha zakara korukanda rwaHavana momapeu kagapwireko, poyiha yono vili 18h30. Muhuyungilipo vaporosi Chief Inspekta Kauna Shikwambi katente kupitira monombudi asi mukungi ogu kakre moyirugana makura yiyo kazire aka pure mumati asi amupe yimaliwa yendi yokusika koN$1. Ano munyandi ogu age kapi nye kakere nosimaliva siruwo oso, makura nomutangu yipo nye kaditamekere poopo kumwe nowo vavali kavamwene siponga. Makura musikiliti yipo nye karoyere ozina womumati kumwe hena nokuroya ozina. Navenye vavali kavavadukisilire kosipangero saKatutura sepangero yimo ana kutanta ngoso Shikwambi. Navenye owo kavaroyere kuna kuzuvhika asi kuka kumoneka simpe momuwa. Sihorokwa simwe sopeke, mukadi kavafire mosondaha moGroot Au omu yina kuzuhika asi kavamutwire mbere mumati gwendi gwanare morwa mukadi katokwere asi vahepa kuhagekesapo eharo lyawo eli vakara nalyo. Nakufa Hermina Francia Appolus, gonomvhura 24, age kavamutwire nombere yikando yitatu mumai ogu vana kara nendi ngesi novana vavali kumwe. Mutangu kagutamekere paapa nakufa katokwere asi eharo lyawo lina haga. Makura mugazarerwa yiyo katwire mukadona gwendi rutatu, kosipepe sokorumoho, konyima ntani ponompanda yimo ngoso ana kutanta Shikwambi. Mugazarerwa kahetekerereko kuduka nye vaporosi kavagenderere kumwe nokumuhamata. Mugara gumwe ogu kakere mosipangero morwa kaamuhomokerere vana mahaka, kakasikire tupu makura kumona gumwe gowo kavamuhomokerere kumutwa dogoro kudipaga. Simpagwa sangesi kasihorokere morukanda rwaMacaravani koupumezuva moKatima Mulilo, mosondaha koyiha yonovli 09h00. Mugazarerwa gonomvhura 20, kavamutukagwire vatjotji. Makura age apa kavamuumbwire kapi kavhulire kulididimikira apa kamwene vatjotji owo apa nye ana kutunda mosipangero sepangero saKatima Mulilo, omu kakakere agwane uhaku. Nakufa kavamudimbwilire asi yige David Phiri. Mugazarerwa ngesi kuna kumundindira akamoneke kompanguro zomomukunda googo moutatu wosivike seesi.
2018-06-28 09:24:12 2 months ago
Share on social media

Be the first to post a comment...