Easy access at the tip of your fingers, subscribe to our daily ePaper version of our New Era Newspaper.
Home / Muntu gontundiliro zachina kuna kulya yihako, noyimbumburu
Muntu gontundiliro zachina kuna kulya yihako, noyimbumburu
2016-11-24Staff Report 2 Gumwe govaChina ana kara ngesi morukanda vana kutumbura asi Okahandja park, kavamumwene kuna kulya yihako, noyimbumburu momuramba morwa kapi ana kara nonondja. Kansela gwaTobias Hainyeko Christpher Likuwa, kayinkondopekere eyi yiyo kazire akadingure muntu ogu, konyima tupu apa vantu kavaretere mbudi ezi kwendi. Nomu ana kutanta asi kapi kapi anali nondja mazuva pita, ntani kapi ana kara hena nonondja, Likuwa kamuvaterere muntu ogu mokumupako eyi kakere nayo. Age kwatunga mevango eli atumbura asi embo lyendi lyokutunga nomaborode ntani yipereki. Age kwamusigamo mwenya embo gelike gahana nondja eyi yamuninkisa aze aka lye yihako noymbumburu. Ukare ou katuugeve nye kovaporosi wositata saWindhoek, omu kavamutwre muntu ogu koministeli zeyi yomonda zosirongo novawizimo vakamukonakone. Mokukwama musipundi gorukanda oro Johannes Hamunyera, katente asi mukaro gomuntu ogu gatunga pevango eli konyara nomvhura ntatu, kuna kuzonauka yina kumuninkisa alye nye yihako noyimbumburu momuramba. Age kakere momukaro dona. Age kamwene kanyando. Kapi ana kara noyimaliva, yimo ana kutanta Hamunyera, ogu kakadingwira mugara gwina mokukalimonenako mwene asi ngapi ana kuparuka muntu ogu. Mokukwama Hamunyeara, asi muChina ogu kwawiza mosirongo Namibia, mo 1997, makura kwahovere kukara moMariental, ntani Maltahohe omu gakere nositora gona. Nye ngesi age kuna kutanta asi kwamuveke nayinye eyi gaweka mo 2009, rambangako passport zendi nombapira zina kulikida asi age yinke ana kuyarugana mosirongo setu. Age kwawiza korukanda rwaOkahandja park, konyara nomvhura ntatu dina kukapita. Hamunyera katjangwilire mugara ogu asi muntu gomuwa age hena kuuyunga nakauke. Kapisi ureru ozuvhe asi yinke ana kuuyunga. Age katutanterere asi kapi ana mono nondja mazuva gomanzi ganapitipo, nye erago kansela gomukunda ana kamutarerapo makura yiyo ana mupe nondja alye. Hamunyera katente asi konyima nye zokupurakena kesanseko lyomugara ogu, yipo nye kamupere magano asi gahepa kuza komberewa zomukarelip gwaChina omu nampo nakagwana mbetero. Nye kuna monekerenge asi vaChina vakwawo kapi vana hara kumuvatera nousimbu. Nzara ndi ruhepo kapi yapongora, ngesi kuna yagumu nye vanayirongo ava twadiva asi awo ngano kapi vakara noruhepo ndi vafe nzara. 2016-11-24Staff Report 2
