• November 19th, 2018
Login / Register

Muongaongi wa Swapo utamelwa busholi bwalikomu


Nuusita Ashipala Ongwendiva-Mapokola habalati kupatulula bupaki kuamana nikutamiwa kwamuongaongi wakopano ya Swapo mwa sikiliti sa Oshana Samuel Nelongo kalikalezo zabusholi bwalikomu. Yomuhulu wa Sipokola mwa sikiliti sa Oshana Rauha Amwele nanitifalize kutamiwa kwahae kono naize nasikalumelelwa kubulela zeñata kakuli kueza cwalo kukaswana kwatisa muisilingo mwamuzeko. “Natamilwe Lasunda mi usali mwasitokisi,” nekubulezi Amwele. Naekelize kuli Nelongo natamilwe mwa sikiliti Lasunda viki yefelile hanalongile likomu. “Lipatisiso lisazwelapili, kusatatulula litaba zeñwi pili asikabonahala mwakhuta,” nekubulezi Amwele. Amwele napalezwi kupatulula sibaka ko Nelongo natamezwi teñi, kapa teko yalikomu, kamazwi akuli lipatisiso kona lisazo kala. Nihakulicwalo lipaki zamuuso neliakaleza kuli Nelongo nauzwize likomu zemashumi amalalu zamasheleñi afita fa N$ 200 000 mi nekufumanwi feela komu iliñwi. Nelongo na amuhezi kuba muongaongi wa Swapo kuzwelela ku Erastus Kapolo kwa liketisa zetuna za kopano mwakweli ya Mbuwana ñohola. Pili asikaketwa kuba muongaongi wa sikiliti sa Oshana nasebelize kuba muongaongi wa kopano ya Swapo kwa Uukwiyuusona. Zeo halili cwalo mwaponahalo yahae mwakhuta yamuatuli yomunyinyani mwa Ondangwa Labubeli Nelongo nalumelezwi kupikela tolongo kwande kakulifa masheleñi afita fa N$2,500 . Nelongo walilimo ze 53 unyaziwa kamulatu waku uzwa poho yamali alikana N$5,000 isi N$200,000 yenebihilwe kimapokola yalikomu zemashumi amalalu. Muatuli yomunyinyani Ilge Rheent namulumelezi kupikela tolongo kwande. Mulatu noezizwe hala silimo sa 2016 ni 2017. Muzeko noisizwe la 9 Lungu kuli lipatisiso zamapokola lizwelepili. Ba New Era bautwisisa kuli Nelongo nafumanwi nikomu iliñwi nihaike muña likomu utonda zemashumi amalalu.
New Era Reporter
2018-02-19 10:21:34 8 months ago

Be the first to post a comment...