OTJOMUISE- Ouhonapare wOvambazu wOuvara wa Kambazembi kehi yombara Sam Kambazembi waraisa nongendo onene nomerirungiro wohoromende movitjitwa vyombazu.
Ongendo indji ombara yeiraisire ko New Era Omandaha pendje yombongarero oitja 21 yOtjirata tjOvanane vOmbazu ndjautire Omandaha mOtjomuise nu ndjimaianda ndinondi. Kambazembi matja tjinene watunwa momwinyo iyondiero yOministera yOmekurisiro wOvihuro nOmahi wOkozombanda, Peya Mushelenga, okuyandjera nai ngwayarwa orate onene Ueriuka Tjikuua okukuramenapo ouhonapare wombazu pombongarero yombura nandarire kokutja watjivisiwa otjatjipasere kutja Tjikuua waisakewa okukuramenapo ouhonapare pu kangamwa ondondo. O New Era yazuu kutja Kambazembi na Tjikuua kavehaama pomuriro umwe ape oure wozombura mbari nai. Kambazembi waraere o New Era kutja Tjikuua nai kenaimwe yozombongarero zouhonapare ukarapo nuu ootjina tjaisamenwa. Wawezako kutja watjangera Mushelenga mu Katjose tjiyari 14 okumutjivisa kutja omanunino wa Tjikuua otjomuhindwa kombongarero yombura yOtjirata tjOvanane vOmbazu.
Posya Mushelenga wazirire Oritjatano ndazuko amatja eningira ra Kambazembi okunanununa Tjikuua kamunokutarewa mena roruveze ndwai. “Keningira roye rukwao okunanununa mOtjirata tjOvanane vOmbazu omukuramenepo ngwatjangwa kotjiveta iyouhonapare woye wombazu nokuyarurapo okanepo kukehiyatjangwa kotjiveta pombongarero oitja 21 ndjimaia ndjiri mOtjomuise , ove mozemburukisiwa imba okupanÿera porupa orutjatatu romatjangwa wokomurungu wandje worutuu rwa Senina¿i tjiyari 26 mo 2017,” o ministera yatjanga nao. Maihungirire komatjangwa yo 2017 waingwi ngwari o ministera Sophia Shaningwa, gwatjangere kutja: “ Mowinyo tjingewo, etjevanga okutjiwa kutja ondando yokunanununa indji yatjivisiwa otjatjipasere koka¿epo inga nawina kutja omundu ngwaÞunwa ingwi wapewa omapu kumaisaperwa nokuandjerwa okurihungirira.”
Tjayandja ondunge ku Shaaningwa motji¿a tjingetjo ombura ndjazuko, ngwari ohahende yohoromende oruvezendo, Sacky Shangala, watja otja korukondua o 6(1) (c) yOveta yOtjirata tjOvanane Vombazu yo 1997, okunanununa orate kakuhepa ingwi ngumananununwa wasere okupuratenwa. “Mowatjiri kehi yekondwa 6(1) (c) yOveta yOtjirata tjOvanane Vombazu yo 1997, ou¿epo uyanda indu oveta tjiyatuwa momaunguriro indu ondjivisiro yokunanununa tjiyayandjwa ko ministera,” ombapira ya Shangala ku Shaningwa aa irese nao oruvezendo. Komurungu yatja nai: “Ohepero yondjivisiro nokuyandjera omukuramenpo oruveze rokurihungirira yaraisiwa uriri mekondua 6(2) ohunga nokutja o ministera maiyenene okuyandisa ounepo womundu kombunda yomatiasaneno kunouhonapare.”
“Ondiero yokunanununa ovakuramenepo motjirata mayeso okutjitwa otja koveta yombazu ndjiripo, kehi yOngundeveta ya Namibia noveta aihe yarwe kangamwa, posya, katjiyaetwa kourizemburuka wandje kokutja omundu ngwaÞunwa ingwi matja ozoveta inÿa kakuyayandjwa ombango,” ombapira yangwari ohahende yohoromende maitja.