New Era Newspaper

New Era Epaper
Icon Collap
...
Home / Musikiliti kadipagere hekurwendi kumwe nokulidipaga mwene

Musikiliti kadipagere hekurwendi kumwe nokulidipaga mwene

2018-02-22  Staff Report 2

Musikiliti kadipagere hekurwendi kumwe nokulidipaga mwene
Mukungu kalidipagere mwene konyima tupu apa kadipagere hekurwendi moutano mositata saVenduka, korukanda rwaWanaheda. Sakaria Kuhangwa , gonomvhura 33, kuna kuzuvhika asi karoyere hekurwendi gonomvhura 52, Erikson Mutilifa, nouta wendi woyirugana eyi kayitundilire komutangu kavakere nago vantu ava vavali. Mokukwama ekona kono lyovaporosi, Kuhangwa ogu gakara asi murugana gokampani zavawokukunga mavango kakere talikida mukaro geharo panyama kwasipwasendi, eyi kayininkisire Mutilifa apire kuyitamburako nampili nakauke. Muuyungilipo vaporosi vaNamibia, Chief Inspector Kaunapawa Shikwambi, Kuhangwa kuna kumugazarere asi kazire monzugo zasipwa sendi omo ngano kava kere asi vakakare kumwe panyama. Ano hekurwendi kumwe nokumuhomokera, makura age yipo kadukilire ponze kumwe nokuroya sikutji uta una kara asi wokoyirugana yendi, yimo ngoso ana kutanta Shikwambi. Mutilifa simpe yiyo kahomokerere Kuhangwa sikando sauvali konyima tupu ana apa kuroya sikutji. Moomo nye vana kulikondjesa ngoso Kuhangwa yiyo nye karoyere hekurwendi monturo kumwe nokulilika uta mwene nage kumwe nokuliroya.Kuhangwa kafire kosikutji esi kasi mukwete momutwe. Ekona kono kosihorokwa sangesi simpe kuna kutwima. Mosihorokwa naso peke, mutungimo momukunda gwa ONkani , moOtamanzi kalihagekesere mwnyo gwendi momapeu kukwama mutangu ogu kagu kerepo nage nekoro lyendi. Festus Shivolo, gonomvhura 37, kuna kuzuvhika asi kalimenge mwene norugodi monzugo zendi zokurara monongura domosondaha. ‘ Kuna kuzuvhika asi nakufa ogu kakere nonomutangu kumwe nekoro lyendi morwa yimaliva kayizumbanene komeho aka guligusa mwenyo gwendi.” Yimo na kutanta ngoso Shikwambi. Vaporosi kapi vana kugazara rera nkenye ogu mosihorokwa sangesi ntani kwato nkenye umbangi anasigi opo ana fire. Polisitasi zaKatutura kazididilikire moutano asi nakufa Emmanuel Namupolo, gonomvhura 46, ogu ana kara asi rutu rwendi kavarugwene ana limanga mwene mositji. Kuna kuzuvhika asi age katundire pembo mune gahana kutanta asi kupi ana kuza. Kwato nkenye ogu vana kugazarera sihorokwa sangesi.
2018-02-22  Staff Report 2

Tags: Khomas
Share on social media