• September 24th, 2020

Musukubili ukokobezwa ki keto ya kuzamaisa NYS


WINDOKO – Muzamaisi yomunca wa katengo ka National Youth Service (NYS) Felix Musukubili ubulela kuli uikutwa kukokobezwa kulatelela kuketiwa kwahae ki Mueteleli wanaha Hage Geingob. Hana bulela ni New liholanyana kulatelela zibahazo ya kuketwa kwahae ki Ndu ya Mubuso, yabona zamisebezi mwa kampani ya Namport naize: “Ni ikutwa kukokobezwa ki keto ya Mueteleli wanaha, kuba muzamaisi wa katengo ka NYS, ili keto yeni amuhela kamazoho amabeli.” Geingob ka sibuabui wa hae Alfredo Hengari nazibahalize viki yefelile kuli Musukubili uketilwe kuzamaisa NYS kalilimo zeketalizoho. Musukubili nafilwe musebezi kasamulaho Joseph Mukendwa yana ketilwe mwakweli ya Muyana 2019, nacincize muhupulo ni kuhana. 

Naize zeo aswanela kueza muzamaisi wa NYS sina moku ñolezwi mwa mulao wabu 12 wa buka ya kamaiso ya katengo ka NYS. “Musukubili ufilwe musebezi wakubona kuli kuna ni kamaiso sakata mi kuitekezwi kuli asebeleze kamaiso katata,” nekubulezi Hengari. “Ofesi ya Mueteleli hape izibahaza kuli Joseph Mukendwa yana zibahalizwe kuba muzamaisi mwa kweli ya Muyana 2019, nacincize muhupulo ni kunaha mi musebezi wakubata muzamaisi yomunca nokalile.” Geingob nabulezi kuli usepa ciseho ni tisezo yeo Musukubili uka bonisa kwa Katengo ka NYS. Katengo ka NYS kana ni kabelo mwakubatela babanca mwalikiliti kaufela musebezi, kuhulisa babanca, ni kutahisa kolo yakuhulisa lyano.


Kuzeeko Tjitemisa
2020-05-11 09:29:14 | 4 months ago

Be the first to post a comment...