New Era Newspaper

New Era Epaper
Icon Collap
...
Home / Muyahi wanaha China wamusupali ufumanwa nitutu yazanaheñi

Muyahi wanaha China wamusupali ufumanwa nitutu yazanaheñi

2018-01-08  Staff Report 2

Muyahi wanaha China wamusupali ufumanwa nitutu yazanaheñi
Maria Amakali Windhoek-Musupali wanaha China naipumani mwa sitokisi samapokola kasamulaho wakukatanyezwa nitutu yazanaheñi asina mapampili azona mwa muleneñi wa Windhoek Labubeli. Mapokola nebatamile Lai Yau Ruan walilimo ze 80 la 02 Sope, kasamulaho wakushungula kuli naipulukezi lunaka luli luñwi lwa sembele, manaka amashumi asilezi atou, mukata ulimuñwi wangwe niwa liñau, mi zanasweli kaufela nasina mapampili azona amulumulela kuliluwa. Teko yazona haisikazibwa kale ki mapokola. Muzekisi wamuuso ubulela kuli Ruan una nimulatu wakuloba mulao wakalulo yabune mwabuka yakamaiso yazesilelelizwe zamwanaheñi. Sibuabui wasipokola yatompeha Kaunapawa Shikwambi naize Ruani natamilwe mazazi amabeli mwasilimo sesinca kasamulaho mapokola habakena mwandu yahae mwakomponi yabafumi ya Ludwigsdorf mwa Windoko. Hakuzibwi kana ndu yeo kiyahae, haneli yena ulumelwa kuli sapilile mwa Namibia lilimo ze 17. Ruan nalumelezwi kupikela tolongo kwande kakulifa masheleñi afita fa N$ 180 000 mwaponahalo yahae yapili fapila muatuli yomunyinyani wakuta Vanessa Stanley Labune. Mubatisisi walitaba yabatisisa taba ya Ruan naize kuli Ruan hakoni kubaleha kafulai kacwalo wakona kupikela tolongo kwande. Mubatisisi naize hape kuli Ruan kimusupali, yakatazwa kimakulano, mi kakuekeza, sainzi lilimo zefitelela 17 mwa naha. Mwakulukululwa kwahae khuta nelaezi kuli ano ipiha kwa khuta Lamubulo ni Labutanu viki ni viki nikuli afe mampili ahae amulumelela kunga musipili nikuli asike azwa mwa Windoko asikalemusa mubatisisi wataba yahae. Haiba khuta inge imufumana mulatu Ruan ukona kupika tolongo lilimo zesafiteleli mashumi amabeli, kapa ukona kufiwa kulifa koto nikukena mwatolongo kanako yeswana. Muatuli yomunyinyani Stanley naisize taba la 23 Yowa kuli lipatisiso zamapokola lizwelepili mi nafile Ruan kalimelo kuli anoipiha kwa khuta sina katumelelano kusicwalo ukaswana aipumana mwa sitokisi. Muyemeli wayanyazwa neli Kadhila Amoomo haneli Ntelamo Laura Mabuku nayemela muuso.”Mapokola nebabata kuitumela kwabayahi banaha bababuluka mulao bane babile nikolo mwakuswaliwa kwa wayanyazwa,” nekubulezi Shikwambi.
2018-01-08  Staff Report 2

Tags: Khomas
Share on social media