New Era Newspaper

New Era Epaper
Icon Collap
...
Home / Mvuu kadipagere vantu vavali moZambezi

Mvuu kadipagere vantu vavali moZambezi

2022-05-05  John Muyamba

Mvuu kadipagere vantu vavali moZambezi

Gono mvhura 43 kakere kuna kuhuga nomfi momukunda gwaZambezi momapeu kakere gokuhulilira ogu kakwete mvuu posiruwo oso age kuna kuhunga nomfi pevango vana kutumbura asi Mutundwalo poKongola. 

Sinzi sovaNamibia nare vana gusa kudama po opo ntani kuvakwata yikosama yomomukuro. 

Mokukwama vaporosi, ehudi lyangesi kalihorokere momapeu koyiha yono vili 14h00. Kuna kuzuvhika asi munyandi, Suboni Mushabati Twasenga, kadogorokere konyima tupu apa kamukwete mvuu siruwo oso age kuna kukwata nomfi. 

Vanekoro lyendi kavavapukwilire nare, ano makona kono govaporosi kuna kutwima. 

Moutano, 8 Kudumogona koyiha yono vili 12h30 momukuro gwaChobe momudingonoko gwa Mutikitila, gono mvhura 66 muNamibia Sibeso Progress Lubinda kademe kumwe nokufa nage mvuu kamukwete siruwo oso age kuna kukwata nomfi momukuro.  Mo 4 Murongankuru, gononomvhura 59 mugara kavadimbwilire asi Musialela Moses Luyanga nage gumwe kakere moudigu woyikasama eyi, omu nage kamuhomokerere mvhuu siruwo oso age kuna kuduga wato konontere domukuro gwaKasya sirudi sakara moKabbe zokomuzogo zomukunda horowero gwaZambezi. 

Ogu kavamupoperere kumwe nokumudukisa kosipangero saItomba, nye kapi kayitompokere yiko kakadogorokerere age siruwo oso kuna kundindira ambulance. Rutu rwanakufa oro kavaruretere nye kosipangero saLuhonono , ano konyima kosipangero sosinene saKatima muliro kokira, yimo yina kutanta yitundwamo yovaporosi posiruwo sina. Sihorokwa sosidona esi kasihorokere koyiha yono vili 17h58. 

Makona kono kuna kulikida asi yikasama yangesi kuna dipaga vantu wokusika ko 500 momvhura moyirongo yaAfrika, ntani kuna yidiva unene asi kuna kara nye yikasama yougara unene.

Morwa ngesi kuna kara asi kapi yina kutarerera mkenye simwe siwize pevango lyayo.  Nampili ngoso, vaporosi momukunda gwaZambezi  momapeu kavakweteko mumati kakere noyilyo yimwe yoyilkorama vasilika pevango vaturapo lyokukeverera lyopo Liselo. 

Kuna kumoneka asi mumati ogu gonomvhura 22 kavamugwene noruvinga rwanzovhu rumwe posiruwo somakonakono. 

Ano mulyo goruvinga oro simpe kapi vana gutara asi yingapi.

 Simpe moKatima mulilo, vaporosi kavavazigidire moutano omu muntu gumwe kalidipagere mwene poyiha yono vili 07h00 korukanda Bebi ruha gona 3. Kuna kuzuvhika asi munyandi gonomvhura 35 gedina, Santambwa Rodney Simasiku, kalimenge mwene nodarate mositji somango. Vanekoro lyendi vana vapukurura nare, ano makona kono govaporosi kuna kutwikira. 


2022-05-05  John Muyamba

Share on social media