Home / Nangolo Mbumba operesidenda yokehi Nangolo Mbumba operesidenda yokehi
Kae MaÞunÿu-Tjiparuro Otjomuise-Kapena omundu umwe wazu pendje okuweziwa kokambineta nungwari omarundururiro ngatjitwa iyotjiuru tjehi Hage Geingob okwiisapo tjiva zozoministera peke peke potuveze puvari okutwara putwarwe. Nai kombunda yomaisameno wozoministera mbari indji yOvitjitwa vyOmoukoto wEhi nOvahite nOvapite vOmehi, Pendukeni Iivula-Ithana, naindjo yOmanyando, Omitanda nOtjiungura tjOtjiwana, Jerry Ekandjo, omweze mbwazu, otjipari nomaeni wotuveze tuvari twozoministera nai tutwaÞunwa. Moruveze rwa Ithana mwayaruka Frans Kapofi ngwari nomerizirira koministeri yovitjitwa vyoperesidenda. Moruveze rwa Ekandjo mwayaruka Erastus Utoni eye ngwari o ministera yokehi mo Ministera yOzombanguriro nOukohioke Mozombanguriro. Ondjivisiro yarwe onene ya Geinbgoba okuzika Nangolo Mbumba, eye ngwari omutjangerepo omunene otjowokehi ye otjoperesidenda yehi. Otjihavero ihi tjari na Nickey Iyambo ngwatia okuheruka kutjo mena rouveruke we mbuhemuyandjere rukwao. Ngwari o ministera yOmipepo, Ombimbasaneno nOmanjomokisiro wOzongetjefa Ozonditi, Immauel Ngatjizeko ongwayaruka motjihavero tjitjari na Kapofi otjomutunduuza wovitjitwa momberoo yoperesidenda. MotjiÞo tje amuyaruka Twekero Tweya, eye nai ngukara wokehi mo ministeri yOounongo wOvihakaenise vya Kandinondi nOndjivisiro. Moruveze rwa Hifikepunye Pohamba otjo tjiru tjehi komurungu wa Geingoba, Tweya wari mo ministeri indji otjo ministera yokehi kehi ya Geingoba tjazumba kehi ya Callie Schlettwein. Ingwi ngukara kehi ya Tweya Stanley Simataa ongwayaruka motjihavero tjo Ministeri yOunongo Vyovihakaenise vya Kandinondi. Alpheus !Naruseba na John Mutorwa vapimbasana ovihavero imbi vyo Vyungurwa nOvitoore notjo Tutumbo nOvikunwa, Omeva nOmahua. Ngwari ohahende yohoromende, Sackey Shangala, watjindisirwa ko Ministeri yOzombanguriro ngunda otjito tjekara natjo atjayandjwa ku Albert Kawana eye nai ngurira o Minisetra yOzombanguriro. Ipaha Obeth Kandjoze ngwari ko Ministeri yOviyakise nOzongoporo warundururirwa kokurira otjiru tjOrupa Rondiero yOmekurisiro nawina o Minisetra yOndiero yOmbwiko oyo nai ndjikara na Tom Alwendo ngwakambura ovyungura imbi mbikara nai Kandjoze. Ngukara o ministera yOngaro Pokati kOmahi Mouye nOmaunguriro Kumwe, Peya Mushelenga wakambura otjito tjo Mekurisiro wOvihuro nOkozombanda, otjo nai tjitjikara na Sophia Shaningwa ngwarira omutjangerepo omunene wo Swapo, tjitjiri otjito tjitjihepa kutja nguri mutjo kasere okukara notjiungura tjarwe.
Your experience on this site will be improved by allowing cookies.
