• November 21st, 2018
Login / Register

Nanso kuna mugumu momunene nomfa dokuliroya posure


ALBERTINA NAKALE Windhoek-Mbunga ezi vana kutumbura asi Namibia National Students Organisation (NANSO) kava geve ruguwo rwawo makura yiyo hena kavayigusire vayiture vaze vakadingure vekero novakurona womunona ogo gonomvhura 13, gomontambo ndunge 5 gopo sure zaIimbili zelipakerero momukunda horowero Ohangwena ogu pamponyo karoyere munasure mukwawo nombisitoli siruwo sepwizumuko momue kaupwire. Ehudi eli kalihorokere siruwo sooso muniona gonomvhura 11, kasimbire uta kosure, posiruwo nye oso kavadanaukire  age yiko kukwatamo makura kumwe nokuremeka mukwawo zendi eyi kayitwarederere konomfa domurongwa mukwawo. “Ose kuna kugava ruguwo rwetu natuvenye, pausili ezumbaneso lyanakufa eli kuna gumu mukunda, nkarapamwe zapo ntani muhoko nagunye, morwa natuvenye yipo tuna tura nomutjima detu mpvanona nompitisili domungura. “ Ose kuna tugumu ntani kapi tuna kuvhura kuuyunga morwa nomfa domusesu gwetu ogu. Ose kuna kuguva none vanekoro ntani nava dina gumu nomfa edi kumwe nokugava mbatero zetu yimo ngoso ana kutanta Matheus Taapopi. Simpe katwikilire asi NANSO kuna kugava umbondo kovakurona womunona ogu karoyere mukwawo unene mwenya uta , ngano gahepa kuutakamesa asi wahakagwira momawoko nago peke. Ozina kuru gara yiwo venya uta ou, ou kaveke munona ogu awo ngesi kava vakwete morwa kupira kutakamesa uta wawo.  Mokupopera nye vadinkantu ndi asi vanona, nanso kuna kuhundira vaweki mauta asi vahepa kugatura ure ntani kugapaterera yipo asi vanona vahakasika pevango olyo noureru, ntani kapisi vasige mauta gawo vahana kugakeverera nokuronga vanona asi vahaguma uta owo siponga. Nanso simpe kuna kuhundira nye mberewa zerongo momukunda ntani varugani wokosipangero vaze kevango lina yipo vakagave magano ntani nehungo mwenyo  nampili nombunga dovaumwene dize posure zina kavakere moudigu wangesi morwa kapi gautunda monomutwe dawo unene vanona vakwawo ava kava kerepo apa kasihorokere simpagwa sangesi. Ntani minsteli zerongo nazo kazigeve sinke sazo omu vana kulira kumwe morwa nomfa domurongwa gonkondwa zautano. Ministera gerongo Katrina Hanse- Himarwa omu kavalipakerere kumwe negendeso lyoministeli ntani mberwa zerongo moOhangwena kava geve ruguwo rwawo oru kavatumine kovanekoro ntani posure ozo kayisihorokerere simpagwa  ntani nkarapamwe zepevango olyo. Hamutjanga gokukareremo moministeli zerongo Sanet Steenkamp katente asi, “ Ose nkenye eparu lyomunona mulyo”. Ezumbaneso ntani mukaro tupu omu yina horoka kukora komutjima unene. Nose kuna kuyimona asi sihorokwa sangesi kuvhura kuguma vantu mominene ntani momukaro peke. Ohangwena ruha rwerongo kavakadingwire sure zina, ntani awo nare vana tameke kugava mahengagwido ntani ehungo mwenyo kekoro lyanakufa, ntani kovanona wosure. Simpe mokugwedako ministeli kuna kukaza zikature elikwamo lyekeverero unene posure, mehuguvaro nokufumadeka ntani kutara asi nepu munona ndi murugani nkenye posure ana kara ngesi kuna kuyigazara sinkwa ntani yize moyirugana.
New Era Reporter
2018-02-01 09:41:54 9 months ago

Be the first to post a comment...