Home / Ndp 5 zahepa kukara asi egano twaromo mekuliko Ndp 5 zahepa kukara asi egano twaromo mekuliko
Obrein Simasiku Omuthiya-Vana politika womomukunda kavavahundilire asi vahepa kuruganesa NDP 5, nsene tavatjanga egano twaromo lyawo lyoyimaliva ndi kutulisapo noprojeka dononene monomukunda dawo edi dava tumbukira nsene tuna hara asi noprojeka depangero dize mouta wokora. Ogo yigo nye magano kageve Ministera gokutura magano geekonomi, Tom Alweendo, sivike kasipwire mepongo eli kalikere asi vantu pwato kavapongerere moOmuthiya negano lyokutara asi ngano ngapi navatura NDP 5, mouta wakora. Odo kadi kere nye nonkango daMinistera gomagano goekonomi, nsene kapi tuna kara nomagano nomukaro gomuwa, asi ngapi natutura nayinye oyo moyirugana, nayitudogopera tudive nye asi yinke eyi twaruganako nokutara asi ezo komeho lyetu ngapi nye. NDP 5, kuna kara megano lyedigu ntani kuyitura moyirugana kapisi ureru .... ntani kuvhura ogwane vantu vana kupura asi yinke tuna kuharera kuyitura moyirugana ngesi... yimo morwa ngesi ntani tuna kudiva asi yina kuwiza pomuhowo yahepa kuyitura moyirugana yimo ngoso ana kuuyunga Alweendo. Age katete asi kuna kara tupu moNDP 5, omu natudiva asi ngapi natutura magano mosinano sosire unene ngwendi monomvhura ntano. Eyi kuna kutuninkisa nye asi twahepa kutara eyi yapita monomvhura pita, ntani noyo nye yina hupuko naturugana mokuza komeho. Yipo nye asi twahepa kuhafera kweyi twaruganako, morwa kuna kutupako nye mukumo asi tutwikire koyo rwarugana momuwa. Alweendo simpe kahundilire vaNamibia asi twahepa kutunda momukaro gwina gokukara asi udigu welike twadiva, makura tukare asi vamwe vana kukara nosiruwo ntani vagave magano asi ngapi navagusapo udigu ou. NDP noyimaliva yokusika ko nomiliyuna N$164 kwalitulire moyirugana mwaKudumonkuru 31, kwaPresidente Hage Geingob. Kuna kara nonontambo ne, madina ngwendi, kutura moyirugana epiro kusigako vamwe, kutulisapo ntani ekonomi lyanavenye, kutulisapo ukanguki womuntu, kutulisapo untu womuntu ntani kutulisapo egendeso lyewa mwankenye ruha. Mberewa nye ezi zakarerapo sinka so NDP 5, kwarugana momunene omu vapurako vantu wokulisigasiga, kwahameseramo maruha gomanzi monomukunda, nopontambo zokuzeruka nomaruha gopaumwene. Ogu kakere nage asi gumwe gomuuyungi kakere nguuru gomukunda Oshikoto, Henock Kankoshi, ogu katente asi yina wapere tulize natuvenye kumwe yipo turwanese udigu ou posiruwo yipo turete erunduruko movantu vetu meparu yipo vantu vetu vaparuke nawa monaruwa.
Your experience on this site will be improved by allowing cookies.
