Easy access at the tip of your fingers, subscribe to our daily ePaper version of our New Era Newspaper.
Home / Nekongo ana parapo asi vahepa kuwapukurura mbunga zovadinkantu wombunga zaswapo
Nekongo ana parapo asi vahepa kuwapukurura mbunga zovadinkantu wombunga zaswapo
2017-08-31Staff Report 2 Aron mushaukwa Katima Mulilo Hamutjanga gombunga zovadinkantu woSWAPO, ogu kavahorowere sinkwa ntani Ephraim Nekongo kuna parapo momunene asi mbunga zendi ezi zovadinkantu zina pumbwa kuziwapukurura yipo zitengure momukaro gwazo gwanare. Age kageve mbudi esi konyima tupu apa kavamupere nonkondo asi yige nye mpitisili govadinkantu wombunga ezi zaSWAPO, mosondaha, kongurova modoropa zaKatima Mulilo. Age katente asi kuna kugazara asi gahepa kukara noumpitisili wanavenye omu yina kara asi matokoro vahepa kugatura navenye kumwe ngovampitisili ntani asi nombudi domapukururo nadinye dahepa kuipitira mwahamutjanga gomapukururo nonombudi. Kuna kumoneka asi mazuva gana piti aga nani mvhura kuruganesa asi “ ame”. Eyi yahepa kutameka nye asi matokoro getu natuvenye ngovampitisili yipo asi vana mbudi vahafungwininange hena mokupurange asi yinke nina kugazarako, mwahepa kupura nye hamutjanga gomapukururo omu nomumupura asi yinke zina kukumbururako mbunga zovadinkantu vaSWAPO. Nokugwedako asi vampitisili ava wovape vahepa kulifumadeka ntani ntani ukumwe wahepa kukarapo, kutunda komukundagona ntani pomukunda nye nagunye vahepa kukwama malikwamo gakarapo gombunga ezi. Age kuna kuyimona asi ukumwe nayininkisa vadinkantu vakare asi awo kuna kukambekako kuwoko kelikwamo lyekuliko mosirongo esi. Mulyo unene, nepu tukara asi kuna kutara tukare noudivi paeparu, unkurungu, magano gomawa, ntani kurugana nye unene yimo asi tusikisemo oyo tuna hara. Ose twahepa nye kukara asi kuuyunga kusesu nye nonkondo nadinye dipwire mosirugana.Vamwe nayivaninkisa vapire kuyihafera morwa kuna kumona asi “zombies” yiwo vana kupangera nye awo kuna kuyimona asi vahepa kukara tavarugana unene kukwatesako mbunga zawo nazinye zaSWAPO.Mbunga zovadinkantu simpe kuna kara asi ruha rokutura matokoro gombunga ezi mosirugana, ntani kuna karerepo vadinkantu navenye womosirongoesi. Nekongo katente awo vana gusa etokoro lyokutanta asi tavakagava mahoroworo gawo nagenye kwa Dr. Hage G. Geingob, apa nakasikama asi Presidente gombunga zaSWAPO kepongo lyenene lina kuwiza. Nekongo ntani munona gwendi Christine Haindaka kavavahorowere pwahana kukara marumbasano gongandi, ngokukara asi hamutjanga ntani hamutjangagona, konyima tupu asi vakandindate vamwe kavatundirepo komeho tupu vakaze momahoroworo, egano eli kavamwene vantu wovanzi asi nare vayigazara yininke yangesi. Ano Haindaka age katjangwilire mukaro gomahoroworo gwangesi asi kuna vazuguma vakwawo zendi.Mokugwedako, 30 yilyo yokomitiye zontjima ntjima zombunga ezi monomukunda 13, kugusako Otjozondjupa ava kavakere asi kapi kavazireko kepongo lyangesi, kavavaganesere. 2017-08-31Staff Report 2
