Presidente Hage G. Geingob kapere nefumadeko Immanuel Ngatjizeko mfumwa omu katente asi nakufa ogu talimuhoreke epangero.
Ngatjizeko kwakere ministera ntani muhameni gombunga zaSWAPO ogu kadogorokere mo mazuva 5 Nsinano 2022 morwa mukaro gouvera. Age kadogorokere nonomvhura 69.
Geingob katente asi marongikido nagenye nagaza moyirugana konyima tupu apa navaligwasana epangero nekoro lyanakufa.
Ngatjizeko kwamuhampurukira moOtjohorongo pepi naOmaruru momukunda horowero gwaErongo.
Age kwakere silyo sombongarero zanavenye kutunda mo 2000 konyima tupu tagwana nbye sirugana sokukara asi mukurona ntoni gevango lyoNational Planning Commision.
Ngatjizeko kwakererapo nokuruganena vantu womosirongo saNamibia age gakere hena moinistera gona gonomina.
Dogoro gayasika pontambo zokuyakara ministera gonongesefa, govarugani, gekeverero nopopero, omu gayakere hena ministera momberewa zaPresidente dogoro paapa nye gayazire mepwizumuko morwa ukanguki wendi mo 2018.
Opo nye kageve mbudi Geingob katente asi ogu mugara gakere gokurugana ntani murwi gakere gombunga zaSWAPO omu gakere asi age kwakere mokabinete aruganene vantu wosirongo sendi saNamibia.
PDM, mpitisili gwawo, McHenry Venaani nage gumwe ogu kageve mbudi zendi zoruguwo apa kagwene mbudi ezi zodona zokuzumbanesa ependa.
Omu kamutjangwilire asi age kwakere muntu gamwena nye kurugana yirugana yendi monaruwa munona mukwawo mukurona mukwawo.
Nokutanta asi age kwagwene medaliye ezi zina kutanta asi age gumwe go Magano montambo zauvali ezi gagwene mo 2014.
Ministera gwanare Ngatjizeko kumoneka ngwendi moomu tupu ava moneka vantu ava rugana pomambo getu, yimo ngoso ana kutanta Venaani.
Age kahundilire vaNamibia asi vaguseko sihonena nomu navatwikira omu garugana yirugana yendi.
Ngatjizeko kwadimbilire sure zendi poAugustineum zomoVenduka age kwakere gumwe mukondjeli emanguruko monad zosirongo.
Age garugene hena komberewa zaCCN moNamibia, mbunga zakere asi kapi zahere ukoloni, Ngatjizeko kwamuhorowere montjima ntjima zaSWAPO mo 1991 ano mopoliticalbureau mo 2007.