New Era Newspaper

New Era Epaper
Icon Collap
...
Home / NgatuÞize otjirumatwa, ngatuÞize otjikaiva tjetu

NgatuÞize otjirumatwa, ngatuÞize otjikaiva tjetu

2019-02-01  Kae Matundu-Tjiparuro

NgatuÞize otjirumatwa, ngatuÞize otjikaiva tjetu

OTJOMUISE- Erero tjandje ape ovandu 335 tjandje vatwako omunwe kembo korutuu ndwatandwa okuhindwa ko Ministeri yOmahongero nOmbazu.

Orutuu indwi kongotwe yaro kukuna Rhyn Tjituka marupaha kokutja oministei indji iyandja ondjeverero ndjapwire kotjikaiva otjotjirumatwa tjombazu nu mombii indji okuningira Ondjuwo yOzoveta  okuririsa otjikaiva otjotjirumatwa tjombazu tjotjiwa¿a. Ondando okumuna ovandu mbatwako omunwe kembo korutuu avehe kumwe o 500. Orutuu indwi rwautirwe i A. Shipena nu ndinondi Tjituka otjatanda okurutwara komurungu nu munawo omeho otja hwiririke mu kangamwa kutja Omuherero, Omumbanderu nanao nawina varwe kutja verikwambe kuye naimbo varwe o 335 matjiti nao nandarire okukapita otjivarero ihi o 500 nai tjakeke. 

Ovaherero nOvambanderu mo Namibia nganduu pendje na Namibia okutara kOtjawana nu wina kundinondo noho mo South Africa vetjiukirwe komuzaro wawo wombazu wozonde notjikaiva tjawo. Munao omuzaro imbwi otjeri orupa rombazu yawo orunaheepro pu kangamwa otjitjitwa tjombazu nowo ombuu raisa oukazendu womihoko imbi. Mouye wa nambano mumuna owini wovimwemwa vyouripura nourizembura, ombanda indji munao otjiyatandwa notjipenoumba wokuungurisiwa okumuna motjitjimariva nokuungurisiwa pwiihasere iyovandu varwe mbejeri vombazu yOtjiherero. Omuzaro wombazu imbwi ukuramenapo ovandu, otjiwa¿a nombuniko yOvaherero nOvambanderu uriri apehe opuveri kutja omo Namibia poo omouye wopendje tjinga ama petjiukwa kokutja epaha ra Tjiute rarimbara mouye ararimbwa iyondjembo ya Katjivitjouanga. 
Munao auhe womihoko imbi otjimaningirwa okurira okanepo kokutiza nokujtevera ombazu, okukara nomutongatima nayo nawina okutiza otjihorera otjiwa tjomuhoko. Mbena omasorero nomayeneneno maveyenene okuhita monganda yorungovi okutwako omunwe kembo indji: https://www.change.org/p/protect-our-heritage-ovaherero-dress.


2019-02-01  Kae Matundu-Tjiparuro

Tags: Khomas
Share on social media