Home / Ngesefa Monkurenkuru Kuna Kukura Kugenderera Ngesefa Monkurenkuru Kuna Kukura Kugenderera
MoWindhoek Mukuronandi asi (mayor)meraka lyovakwetu godoropa zaNkurenkuru Heikki Hausiku Ausiku, kahundilire vanangesefa vakwame sihonena esi lyaturapo epangerolyosirongo saNamibia mokuvatera vantu mokutulisapo yirugana ntani kuvatera nkarapamwe. Nsene turuganeneni kumwe kuvhura tukulike doropa zetu.Age kauyungire eyi paapa kavamupuragerere sinkwa ntani wosayitunga zaNew Era.Age katente asi eturo sitaura sokutunda koRundu oze koNkurenkuru dogoro koElundu kuna kulikida asi tatu kulike evango eli dogoro nzira ezi ngazi kasike koKatwitwi.Age simpe kagwedereko asi ngesefa moNkurenkuru kuvhura kugenda nawa,nahena kuna kumoneka asi uwa una karamo.Mavango gokutunga vantu kuna kukosa tupu N$15 mesunda ano mongesefa kuna kupura tupu N$20,momusunda.Ano ava vana kara nye asi kuna hara kurugana ngesefa hawe kuvhura kuranda evhu kondango zodoropa. MoNkurenkuru ngesi kuna karamo evango lyovanangesefa gona SME'S ntani mbanga zoBank Windhoek,Nampost nayimwe ngoso.Mokuliwora NHE,nazo ntaantani ziyatunge mambo modoropa ezi.Yipo nye nina kuhundsira vahali mpora asi vayapungure modoropa ezi.Yipo asi vaya ture nzodi zetu zo2030,mouta wakora.Epangero kwatulire Nkurenkuru asi evango lyokutunga mo1999,ano konyima mo2006,yipo vaya zitura zikare doropa.Nkurenkuru kwakarera nokilometa 45, utokero waRundu momukunda gwaKavango,kwakaramo vantu vanakusinganyekera asi kusika ko6000. Doropa ezi kwakara pevango lyewa konontere domukuro kwagwanekedesa Kavango, Ohangwena ntani Oshikoto,oku Katwitwi,pepi naKwando kubango province moAngola.Mokukwamanye egano lyepangero noprojeka nadinye kuvhura ngadiyasike modoropa ezi.Ntani hena ose kuvhura kugwana vantu wovanzi vana kupapara yirugana. Doropa ezi kwakara asi pepi naNepara 20km,kombindakano.Omu vatungako nare kapare kokutembera nodira.Ame kuna kugazara asi kuvhura tuyamone vanangesefa vetu wovanzi apa natuyapaturura evango eli vana kutumbura asi Nkurenkuru beach,mo15 Sindimba.Yimwe ayi horokamo nsene ono kara modoropa hawe kuvhura kumona vangandu,novamvhuu ngoso monovili dongura-ngura.
Your experience on this site will be improved by allowing cookies.
