• September 19th, 2018
Login / Register

NHE ikalekisa mandu anayahilwe kabuñafa


Nuusita Ashipala Ongwediva-Muuso use ufile taelo kwakatengo kakabona zakuyaha mandu mwanaha ili kakazibahala ka NHE kuli kafe likoloti kwabatu hala mandu anayahilwe mwamungendenge wakuyaha mandu kabuñata, ili awo aitulezi feela kusina babaina mwateñi pili kweli ya Liatamani isikafela kale. Likwambuyu wa Litolopo Nizwelopili Yalibaka Zamatakanyani, Sophia Shaningwa nabulelezi ba New Era Viki yefelile kuli nafile piho kwamuuso kuli mandu awo alekiswe kiba NHE kakuli lipanka halitabeli kufa likoloti kwamandu afumaneha mwalibaka zeñwi, zecwale ka Khorixas, Karasburg ni Otjo. “Lubata kuli mandu awo alekiswe kiba NHE kwabatu babakona kualeka isi kuli bakene mwatumelelano nilipanka… isiñi kuli mandu aikinele feela asina babaina mwateñi.” Nekubulezi Shaningwa. Muetapili wa NHE mwakalulo yakuambola nikufundota Eric Libongani naize sebazwezipili mwataelo yeo mi bakabona kuli baeza hande hahulu. Libongani naize nebakalile kutambeka mandu mwakweli ya Ñulule mi mandu abato eza amashumi amane ka’silezi akatambekiwa kwabañi baona cwanuñu kwa Bukalo.”Litiyeho nelibile teñi kabaka la lipanka, kono lukasebeza katata mi lunanisepo yakuli kaufela mandu ainzi mukungulu akafiwa kwa batu pili la 31 Liatamanyi lisikafita kale,” nekubulezi Libongani. Likwambuyu naize kuyahiwa kwandu ateko yefita fa N$ 500, 000 neli kwangana mi mandu a 1000 ali mwatolopo ya Walvis Bay kibupaki. Likwambuyu naize mandu afitelela myanda yemilalu sekuina mwateñi batu mwatolopo ya Walvis Bay. Naize liteko selinanuhile kabaka labatu babana nimumizo wakubata kufuma kabupumi. Nahatelezi kuli buñata bwa bababata mandu kibatu babasaipumaneli, kacwalo batu babacwalo baswanezi kutusiwa. Nakupile tutengo twalitolopo kuli tulukulule mubu ili kuli bao bababata kutisa zwelopili bafumane fakuyahela mandu acipile. Naize kalulo yapili yakuyaha mandu nebile nimasuba amañatañata kacwalo tutengo twalitolopo tuswanezi kuziba batu batona nilituwelo zabona. Nazwezipili kususueza tutengo twalitolopo kuli tube nimukoloko osupeza mabizo abaleki bamandu. Kalulo yakuyaha mandu amuuso yabubeli haibonahala kuli ise ikalile kwatolopo ya Walvis Bay, mandu akayahiwa kakuya kalituwelo zabatu.”Kusicwalo haiba haluzibi baleki baluna, lukayahela feela lilumba mandu,” nekubulezi Shaningwa.
2018-02-05 10:04:20 7 months ago
Share on social media

Be the first to post a comment...