Home / Nored iekeza teko yamulilo wamagesi Nored iekeza teko yamulilo wamagesi
Obrein Simasiku Omuthiya – Sicaba sesipila mwalibaka zamutulo wanaha kuzwacwale baswanezi kuyepa luli mwalipokoto zabona kuli baleke mulilo wamagesi, kasamulaho katengo kakasahanya mulilo wamagesi mwalibaka zamutulo wanaha, ka Nored nekazibahalize kuli kabeile kekezo ya 5.5 pesenti ili yene kalile la 1 Sikulu hala silimo sa 2018/2019. Sibuabui wa katengo ka Nored Lukas Simon naize kekezo yasilimo ilumelezwi kikalulo yabu 27 yamulao wasilimo sa 2007 wabune , ili ozamaisa zamulilo wamagesi. Ubulela kuli “katengo kakabona zakuzaimisa mulilo wamagesi kakazibahala ka Electricity Control Board (ECB) kakona nako hainze iya kunyatela kuli liteko licincwe.” Simon naize kekezo iyelela nitumelelano yakatengo ka NamPower yakuli kuekezwe ili yene nyatezwi kwamakalo asilimo, ili kubona kuli katengo ka Nored kazwelapili kuhasanya mulilo wamagesi. Mwakweli ya Lungu, katengo ka ECB nekanyatezi kuli NamPower italeleze kekezo ya 5 pesenti ili kutoloka kuli mulilo ulimuñwi uekelize kuzwa fa N$1,61 kuya fa N$1,69. Bahasanyi bamulilo wamagesi kaufela nebakupilwe kufa milelo yabona kuba ECB mi kekezo yebeilwe ikangelela batu kaufela. Nihakubile nikekezo yeo Simon naize katengo ka Nored kakazwelapili kutusa basupali nibabañwi cwalo kuleka mulilo wamagesi kateko yecipile. “Kampani ikazwelapili kubona kuli mulilo wamagesi ukonwa kulekwa kimañi ni mañi, nikusebeza hande hahulu mobalatela batu, lunze luzwelapili kuhula,” nasepisize. Kasilimo sa masheleñi sa 2016/17 katengo ka Nored nekabulukile mali afita fabolule ba N$9.5 mwakalulo yakuisa mulilo wamagesi mwalikiti mokafumaneha.
Your experience on this site will be improved by allowing cookies.
