• July 12th, 2020

Nored ifa neulo ya N$160 000 kwaliluko la tuto


Victoria Kaapanda 

ONGWEDIVA – Kampani yebona zamulilo wamagesi mwamutulo wanaha (Nored), netambekile masheleñi alikana N$160 000 kwaliluko la tuto viki yefelile. Neulo kikalulo yatumelelano yatuso yamasheleñi yalilimo zetalu, yene nyatezwi mwasilimo sa 2017, hala Nored nimitayi yalituto mwalikiliti moifumaneha Nored. Masheleñi aka ikabelwa kilikiliti zelobapeli, ili Zambezi, Oshikoto, Oshana, Omusati, Ohangwena, Kunene, Kavango ya Upa ni Kavango ya Wiko. Mwamanzwi ane abalezwi, Muzamaisi wa kampani ya Nored Fillemon Nakashole, naize masheleñi akasebeliswa mwakufa mishukwe mwamitayi yatuto mwalikiliti zefumaneha mutulo wanaha. 

“Masheleñi angelezi mipuzo yalikomoki ni masheleñi akafiwa kwabaituti babaeza hande, ni ticele mwatuto ni tuto, ili Sikuwa, Lipalo ni Sayansi, kuzwelela kwalikolo zetalu zepahami,” nabulezi. Nakashole naize Nored yaikumusa kuba nikabelo mwamutayi watuto. Mi naize tuto kikalulo yabutokwa mwazwelopili, kacwalo Nored kakuba muyahi yatokomela neiketezi kufa neulo yamasheleñi kwamutayi watuto. Muzamaisi watuto mwasikiliti sa Oshana Hileni Amukana, naitumezi kwakampani ya Nored kwaneulo yasishemo. “Kaufela luziba kuli kufa tuto sakata kiswalisano yamuuso, balipisinisi, bashemi, nibalikani mwaliluko latuto. Bo kibupaki kuli tuto kiswalisano yamañi ni mañi,” Amukana nabulezi.


Staff Reporter
2020-03-16 07:43:50 | 3 months ago

Be the first to post a comment...

You might also like...