Easy access at the tip of your fingers, subscribe to our daily ePaper version of our New Era Newspaper.
Home / Nujoma Tava Muhafesa Mezuva Lyendi Lye Gwaneso
Nujoma Tava Muhafesa Mezuva Lyendi Lye Gwaneso
2008-05-15Staff Report 2 MoVenduka Mberewa zomutoti upresidente waNamibia moMandaha aga gana-pu kamukere yiviyauka neharero erago kovantu wokuli siga-siga omu kagwanesere nomvhura 79. va Secretariat wo SWAPO ava kapitilisire mukwetelimo hamutjangantoni Nangolo Mbumba yiwo kava kere womuhowo kukadingura Nujoma ogu ana kara hena asi mutoti upresidente wombunga za SWAPO. Mombudi zendi zo nsupi komutoti upresidente, Mbumba katente asi mbunga politika zendi kuna tokora kuyadingura mberewa ezi, morwa ezuva lyaneina lyomutaro ntani hena mulyo komuntu ogu vafumadeka va SWAPO rambangako sirongo nasinye. Mbumba kaharere Nujoma ukanguki ntani age katente asi ame kuna hara ngano Nujoma akare simpe munona. Vahamutjanga wo SWAPO kavadimbire rusumo rweharero erago Nujoma oru kapitilire Jerry Ekandjo. Mbumba kamukweme ministera goyimaliwa Saara Kuugongelwa-Amadhila, ministera goukanguki Richard Kamwi, ministera gomapangero gonodoropa nomukunda mambo nekuliko nomukunda doponze Jerry Ekandjo, ministera gweyi ya presidente Albert Kawana, mugwanekedesi go SWAPO momukunda Khomas Michael Mwinga, nahamutjanga govadinkantu va SWAPO Elijah Ngurare. Awo kava pere Nujoma nombya. Nujoma katente asi edinguro eli kuna kara lyo hararasi ngomuntu ana kara asi mukeke kapi ana wapere kuuyunga unene. Age ka pandwire vahamutjanga wombunga Politika zendi nokugava etumburo lyendi lyamukoro asi: Vantu vana kukondjera sinka simwe nye aso kuna tamba mbunga nkeyapa ku funda. Vauvali kavayadingwire mberewa zina kuna kara wokampani za paragon ava kapitisilire mugendesi gwawo Desmond Amunyela na Lazarus Jacobs. Vagendesi ava kava wizire novarugani vawo wokusiko ko 20 ntani awo kava wizire ne kende lyovhinyu nosikuki esi kavalire kumwe na Nujoma. Vamwe wovarugani kasikere sikando sokuhova kumona Nujoma pepi yiyo kava hundilire asi vavafaneke kumwe. Apa kava kere nye tavali ngoso Nujoma kava pere magano asi nongesefa musinke dina wapere mosirongo. Awo kava tanterere Nujoma asi kampani zawo ngesi kuna kara novarugani vanasiki ko 40 womarudi gokulisiga - siga. Jacobs ogu ana hara asi yige mukondi kovakwawo, katente asi varugani vawo navenye vadinkantu. Awo kavapere Nujoma ekende lyovhinyu vakanwe nomukurukadi gwendi kembo. Kampani ezi za Paragon kwazitotapo mo 2003, awo kwazitotapo vavatere vadinkantu womo Namibia. Konyima tupu zaParagon MVA nazo yiyo kazi bubukire ko mberewa za Nujoma. 2008-05-15Staff Report 2
