Home / O Hammer & Tongue Maivandisa mOmaheke O Hammer & Tongue Maivandisa mOmaheke
I Kae Matundu-Tjiparuro OTJOMUISE Ovatuta vomahi ya kangamwa mOrukondua rwa Maheke vasuvasana kuna onganda yozovandisa indji o Hammer & Tongue okuranda ovinamwinyo ovinene pzovandisa oure womieze hamboumwe. Ovandisa ondenga yari Oritjavari rotjiveke ihi mOkorindo o 13 mOkarukondua ka Mongua kOmatoororero. Inge Kangootui, okanepo kemwe kokomiti ndjazikwa pombongarero yovatuta ndjahaama tjyari 234 na 24 ku Kozonjanga mEpako wayauzire nao. Okomiti indji yazembamisiwa kombunda yozonganda zozovandisa o Agra no Karoo tjizaraisa kutja kazena kuuhara amazeranda ovianwminyo pozovandisa momahi wa kangamwa mOrukondua rwa Maheke. Posya otja ko Agra oini oyo kaiya panda ozovandisa nu izera ozovandisa pozo permita okuranda ovianwminyo nu otjina ihi ngunda tjiri motjihungiriro. Momapu ngasere okuhungirirwa omwano womasutiro wotjimariva otjirande tjovinawminyo pozovandisa nawina ondengu yokomisio ndjimaiso okuyenda kotutu twovatuta tutuvatera nomasembamisiro womarandisiro. Otutu tuovatuta tuningira okomisi yozoperesende ndano ngunda ozonagnda zozovandisa azepandera pozoperesende mbari ndutuyandja nai nu nderi wina ozopersende ndazuvasanenwe kuna onganda indji ombe o Hammer & Tongue. Kagootui watjere ngunda vasere okuhakaena kuna ovarande mbuvari ama vehaakene nawo Omandaha okuveraisire kutja ovikwaye mbivehina kuzara nu mbimavezara momarandisiro wovinamwinyo vyao ovikwaye. Waraisire kutja ouzeu wao urira kuna ovarande kukheri kuna ozonganda zozovandisa notjeri ohepero okukahurura kuwo pomautiro kutja ovatuta mbimaeyandjere ovikwaye nu mbivehina okuyandjera ovikwaye. Matja tjinene ovatuta kavekara nohange novarande mbehita pokati kawo nozonagnda ozorande mena rokutja ovo vepatera owina ovarande varwe pendje kutja veverandererepo. Ovatuta otjavevanga kutja ovarande varwe oveni vekare pomarandero. Ozovandisa wina otjiveke ihi yari mOkarukondua kOmatoororero ka Pukiro mOtjiwanrongo Oritjatatu na mOkarukondua ka Tjinene kOmatoororero mOtjiene otjini Oritjaine zarwe azari amazekongorere mo Eiseba na Tjombinde. Otutu peke peke tuovatuta nozokoporitiva zena omerizirira wokuyandja ouvapira wouhatoi wovinawminyo mbyaranda kovatuta oveni vovinamwinyo ngunda indji o Hammer & Tongue oini aina omerizirira wokusuta otjimariva otjirande kovatuta oveni vovinawminyo. Ondira yokutira okutjinda otjimariva otjingi yari umwe wouzeu mbwaraisiwa iyo Agra no Karoo nupuzazakera kozovandisa momahi wa kangamwa mOmaheke. Nai pena omatiasaneno kuna onagnda indji Sell Fast okuranda ovinamwinyo ovititi. Otja ku Kangootui otjiwana otjituta ngunda tjasere okuhungira kuna o Agra no Karoo kutja omaunguriro kumwe nazo mayesanapi moruyaveze. Mena rohepero ndjakarerepo okupaha ovarande varwe o Agra no Karoo tjizatia kutja kazena kuuhara amazeranda ovinawminyo vyomahi wa kangamwa mOmaheke, kapekarere oruveze rokuhungira kuna o Agra no Karoo ohunga nondiero yazo noruyaveze.
Your experience on this site will be improved by allowing cookies.
