New Era Newspaper

New Era Epaper
Icon Collap
...
Home / O Namibia ripandjara otjimariva otjingi tjinene moutiku- Schlettwein

O Namibia ripandjara otjimariva otjingi tjinene moutiku- Schlettwein

2018-03-09  Staff Report 2

O Namibia ripandjara otjimariva otjingi tjinene moutiku- Schlettwein
Kae MaÞunÿu-Tjiparuro Otjomuise-Outiku uaisiwa kutja watakavara mouye auhe opuuri. Ngunda aperi nao o Namibia raraisiwa iyotutu peke peke twouye kamanomanene kutja ondondo youtiku muro iri kehi mena rotutu twaro twomasa. Oro nai rivarwa momahi yetano omatenga mo Africa. Indji onÿoneno posya kapenokuheya kutja mehi kamunoutiku. Otjimariva tjitjipandjara moutiku okutaviza ko uriri otjimbwandangoma. Otjotjiraisire otjiposa tjitjiripo nai motjombanguriro tjiraisa kutja ozonganda ndevatera nomahitisiro wovi¿a mehi, novevihitise mehi nawina ovaungure vohoromende ovatjevere vyovihite imbi mehi mberikuta kumwe ohoromende yapandjara ape ozondola za Namibia omatau 3.1. Ovyungurwa ovinene vyovyungurisiwa tjimuna itji tjOrutjandja rOzondera rwa Hosea Kutako tjakuramisiwa mena rotjimariva tjatjo tjitjaronda kombanda tjinene aoe ovikando vivari kombanda nokuhina otjina otjizuvakwa tjitjetjirondisa. Ombyarero movyungura vyohoromende nomayeruriro wotjimariva tjovyungura imbi tjiyena okutjitwa uriri indu imba ozonganda zombirivate ndapewa otjiungura ihi tjizautu okusesengasana novaungure vohoromende nokuripurira komazumo wawo oveni kukeheri konÿero yotjiwa¿a atjihe. Munao o ministera yOtjimariva, Calle Schlettwein, opumatjere otjiwana otjitjasere okusekamena outiku nokuhina ondjeta pozondondo azehe otjotjiuru tjehi omutju¿ikwa Hage Geingob otjatjeningira. “Maisokurira ombazu yozongetjefa za Namibia, kutja ozombirivate poo ozohoromende okunjomokisa omaunguriro omatwe nomasorero okutoora otjirwa ihi,” Schlettwein matja. Schlettwein Oritjatatu otjaraisire omaha¿eno wotjimariva tjombura tjohoromende mOmbongarero yOtjiwa¿a. Orupa roukohoke noupore wotjiwa¿a ondwaha¿enwa otjimariva otjitjavari mounene nozoperesende o 21.7 tjitjapewa akuhe kumwe Ozondola za Namibia omatau 12.7 mekwze rotjimariva indi nunda momakawondjero komruveze amaruhava Ozondola za Namibia azehe kumwe 38.7. Orupa rOndjururiro rwamunu Ozondola za Namibia omatau 6, nÿeri ozoperesende o 4.9 kombanda yaitji tjirwamuna ombura ndjazuko nu momakawondjero woruveze, nderi ozombura ndatu marumunu Ozondola za Namibia omatau 17.8. Orupa rOndjeverero rwahavara Ozondola za Namibia omatau 5.2, nÿeri ozopresende ndatu kombanda yatji tjombura ndjazuko nu mozombura ndatu maruhavara Ozondola za Namibia omatau 16.2. O Ministeri yOvitjitwa vyOmehi nOvahite Vomehi yapewa omangete o 609 nu mozombura ndatu etau 1.7. Ovyombanguriro vyapewa Ozondola za Namibia omangete 366 nu mozombura ndatu mavihavara etau 1.1 ngunda Orutu rOndjeverero yEtiku arapewa Ozondola za Namibia omangete 61.0 mozombura ndatu amaruhavara omangete 175.6. Schlettwein matja omahavarisiro wotupa itwi yatizirwa pozondondo nÿumazengara menarokutja kanaarire ourizemburuka ouwa okunjanda nongutukiro nondjeverero yotjiwa¿a novature vehi. Posya kapena okuheya kutja kapena pu mapehekwa otjimariva nomaunguriro watjo omawa poo omasemba otja tjimapesora. Matja otjimaiva tjorupa rOndjururiro tjiri kombanda okwiiisiwa kotjimariva atjihe ehi ndirinjikora nu nandari peri nao morupa indwi wina omaunguriro yasere okutarerwa kutja otjimariva otjiungurisiwa tjikare nomuzura. Otutumbo nOvikunwa rwamunu omatau 2.1 nu moure wozombura ndatu maruhara omatau 6.7. O Ministeri yOukaiya nOmbwiro yOtjiwana yamunu omatau 3.4 nÿeri ozoperesende 3.7 kombanda yaitji tjombura ndjazuko nu mozombura ndatu maiha¿enwa omatau 10.6. Okutja itizire ovitjitwa vyao poruveze ngunda otjimariva tjoukurundu amatjiyerwa nOzondola za Namibia o 50 momweze. Orupa rouveruke rwahavara omatau 6.5 nu mozombura ndatu maruhavara omatau 19.6. Posya Schlettwein matja morupa indwi muna omhamunyonone ndjitita kutja okupangwa nomiti virire ondiru tjinene nandarire povikando vitatu kombanda. Oozmbura otjatjizarira ozohena ohamunyonone indji yasere okukozewa. Omahongero wOmbutiro yahavara Ozondola za Namibia omatau 13.5, ozopresende 4 kombanda yombura ndjazuko nu mozombura ndatu marumunu omatau 40.8. Otjimariva otjinene ihi matjiso kutja wina mutjo mamuzu omaunguriro omawa nomapwe. Okwiisira kotjivarero tjovahongwa avehe kumwe o 722,000, o Namibia riungurisia kombanda yo N$18,668 momuhongwa auhe mombura okwiisira kotjivarero ouye mbutjiungurisa momuhongwa auhe mombura, ape o N$ 5316.32. Otjivarero ihi tjiyeruruka otja kovahongwa tjimaveyaruka nozondondo muvari. Munao otjipena ohepero onene tjinene okuowisa ondengu yomahongeo kutja otjimariva tjomahongero tjokombanda ihi tjikare novihape. Omahongero wOkombanda, Omahuopikiro nOmamemeno rwapewa omatau 3.2 nomatau o 9.8 mozombura ndatu. O Unama omangete 960, o NUST omangete 600 nengete o 1.45 korupa rombatero yotjimariva tjokurihomga indwi o NSFAF. Motjimariva atjihe tjohoromende ozoperesende o 28.5 zai komahongero. Nderi ozopersende 9 zombwiko yehi kutja o Namibia ririre rimwe romahi ngeungurisa otjimariva tjokombanda komahongero. Schlettwein matja okupwikira momahongero kakuungurisa otjimariva uriri nungwari ohambwaraka¿a kombwiro yomitanda. Posya ndoovazu otjimariva ihi katjina kukotora ihi tjasere okurira ongendo. Penoumba wokutja mouharupu imbwi muna omaunguriro omavi. Ouhepe wotjimariva kamburi ouzeu posya nungwari omaunguriro omavi mozoskore nozonganda zomahongero wokombanda, omuzura wozomiÞiri, oungundipare mongondononeno nomomameno, okuhina okutarera omaunguriro nawina okuhina kunatjo kovanene. Avihe imbi mavihepa ombango yakatjotjiri kamanga.
2018-03-09  Staff Report 2

Tags: Khomas
Share on social media