• October 21st, 2020

O Swanu mairarakana outukondua utano uriri


Otumborombonga- Mena ro ku hina oku rirongera no ku ritjiukisa nawa mena ro ma patero wo ma nyinganyinga nyingiro kehi yo Covid-19, o Swanu ya Namibia yatie okuhina okurarara omatoororero woutukondwa, otjiuru tjorupa romatoororero, Emmy Kazapua matja.

Posia o Swanu maitara ko kutja mo ka rukondwa akehe komatoororero mbu ma verarakana oune nu munao aipaha po umwe ngu kayenda punayo poo wo zo ndando ze ndu ma ze hitasana nozayo. Kazapua watjivisire o u ¿epo wo Swanu nao po ma zemburukiro wo zo mbura 61 zo Swanu po Maturihungirire, omaturiro wo u ¿epo oukuru wo Swanu no varwe ovakuru wina, Jephta na Charlotte Kauaria. Maturihungirire yeri pendje na Tumborombonga mondjira tji ondjepo tji ma yii ko Karuokape. Otji Kauaria otji tjazepere ongominya oku sekirisa ongwatero yo tjira tjatjo. 

Pendje noutukondwa utano mehi, moutukondwa auhe kumwe o 121 mo u paranga wehi, o Swanu mairarakana muutano watwo uriri. Oka Daures mOrukondwa rwa Erongo mu ma mu rarakana Champion Ngunovandu; Thomas Masaka; Maria Lourens mokarukondua komatoororero ka Tavi mOrukondua rwa Tjozondjupa; Dina Kanambunga mo Matako wina mOtjozondjupa na Ngajozikue Mbuende ngu ma rarakana Okarukondwa kOmatoororero ka Tjombinÿe mOrukondua rwa Maheke. 

Kazapua matja mOkarukondua kOmatoororero ko Koutjiri wa Katutura, o Swanu maiyandja oruvara komurikuramene, Rosa Namisesa. Pendje na nao o Swanu ma i rarakana omatoororero wo zo ngomainde peke peke. Mo ngomainde ya Aranos, Epako, Okahandja, Okakarara, Otjozondjii na Tjomuise.  Matja nai otjira otji tjikara notjiungura tjo ku nana otutuu two vararakane vatjo mo zo ngomiande inÿa. Omana wovararakane hambombari mo zo ngomainde aihe ya Aranos, Epako, Okahandja no 15 mo Tjomuise na Tjozondjii. Kazapua matja nai otjira tji po kuyeta omamaneno wotu tuu itwi kotjikoro. Ndinondi otjirata tjomatoororero otji ma tjipata omeritjangisiro wo vararakane komatoororero wotukondua no zo ngomainde. Matja okuzamba tjinga oruveze arwarire orukwani, nomweze mbwa sewako kotukosi owombi uriri, okutja nai oruuma otjirwasere okuuta okutwima ku ka tjotjiri. 


Kae Matundu-Tjiparuro
2020-10-16 08:46:25 | 5 days ago

Be the first to post a comment...

You might also like...