Ofikola Oshamukweni Combined School oyo ya li ya holoka moikundaneki omolwa onghalo yoixuna omo mu na ovanafikola, osho ya lotokelwa po onhapo yoshidudu.
Ehangano loFootsteps for Africa ola tungila ofikola oyo okombifa netala nokulila ovanafikola. Ola yambidiada yoo noikwafifo yomokombifa ngaashi eembiya dokolusheno, omafiya, omakopi okolusheno neekila dokutataleka. Oshamukweni oya kala tai longo noudjuu okuyambidida ovanafikola vaha ovo va dengela oubashu moluumbo lofikola nova kala vehe na oikwafifo yokulongifwa kovafikola ngeenge tava teleke, nova kala ashike hava nangala pedu omanga vamwe ohava nangala keembete doiti. Meebashu omo hava di kamu na omatalashe.
Ounona ava ovadja komaumbo eli kokule, ngeno ve na oku enda oinano ile, ya fika fiyo opeekilometa 40 km okuya kofikola nokudja kofikola keshe efiku, nonghalo ei oyo yeva fininika op ova dengele oubashu poshikola. Omudo wa djako Footsteps for Africa okwa li a yandja omilliona N$1.4 kofikola opo shi longifwe okutungila ovanafikola okombifa netalala omanga ehangano loKalahari Holding Company ola yandje N$1.5 eemilliona opo shi longifwe okutungila ovanafikola omuhadjo.
Omuhandjo owa tamekwa nale okutungwa nouli pokupwa paife.
Moshipopiwa shaye ngoloneya waHangwena Walde Ndevashiya okwa ti “ombelewa yange oya kala ya didilika nale onghalo yofikola Oshamukweni konima eshi kwa li nda shangelwa omukunda komukulunhufikola opo tu yambidide ofikola oyo. Onghee onda hangika nale a ndi longekida opo ndi yambidide ofikola,” Ndevashiya ta ti. Omukulunhuwiliki wehongo moshitukulwa shaHangwena Isak Hamatwi okwa ti ombelewa yaye oya kala ya didilika eshongo la talelwa kovanafikola eshi va kala vehe na oikwafifo yomofikola.
Hamatwi okwa ti okwa pandula omahangano aa avali eshi a kandula po omukundu ou wa kala uli kofikola opo ovanafikola va kale ve li monghalo iwa ngaashi naana eefikola dikwao.
“Paife onghalo yovanafikola itai ka kala vali ngaashi ya kala eshi ovanafikola paife tava kala tave li hongo nelitulemo shaashi paife itava ka kala tava te lekelwa oikulya yavo noupu,” Hamatwi ta ti.
Omutotipo wehangano loFootsteps for Africa Asustin Camerom okwa ti ehangano lavo ola totwa po nelalakano opo li yambidide oikondo ya yooloka moilongo yaAfrica. Namola Abraham okuli mondod onhi-9 nokwa hokolola ta ti okwa pendula eshi va yambiddwa nokombifa shaashi paife itava ka kala vali tava teleke pedu. Namola okwa ti okwa kala ta mono oixuna eshi hava kala tava kongo oikuni navakwao op ova dule okuteleka. “Paife otwa lela omuhandjo wetu opo u pye okulonga fyee tu dule okukala a tu nangala mo onghee ita ndi kehenda vali oshina 40 km okuya nokundja kofikola,” Abraham ta ti. Oshamukweni oili na ovanafikola 330 novahongifikola 10, needondo okudja ondodo yotete fiyo 9.