Opolisi moshitopolwa shaMusati otayi konaakona oshipotha moka olutu lwomukiintu lwa itsuwa lwa lika koombwa. 

Otaku hokololwa olutu lwomukiintu gwomimvo 47 Penehafo Ndokosho lwa adhika kaaluna iilyo yimwe, mbyoka a nuwa ya lika ko koombwa.

Omukonakoni gwiimbuluma moshitopolwa shaMusati Moses Simaho okwa ti olutu ndoka lwaninga nayi okwa li lwanonika Osoondaha lwa endjelela momuti.

Otaku hokololwa kutya omukiintu ngoka okwa li  ha kala megumbo oye ayike, omanga omusamane gwe eli kiilonga kOmbaye.

Omusamane anuwa okwali a tulwa momalimbililo sho a ningi omasiku ta dhenge ongondhi ihe itayi yamukulwa.

Simaho ta ti konima opolisi yali ya landula oompandhi okuza megumbo, okwali ya falwa sigo omomuti moka iimangelekela.

Opolisi moshitopolwa shaMusati natango oya lopotelwa omukulukandhi gwomimvo 58 iimangeleke momukunda Omatelekelo.

Otaku hokololwa kutya nakusa inathiga a shanga shoka she mwi ikuthitha omwenyo.

Okwandhindhilikwa nedhina Reinhilde Nekondo

Moshiningwanima oshikwao, polisi moshitopolwa shaMusati oyili metifa oku kwata po omulumentu gwomimvo dhopokati sho anuwa a kwatwa koonkondo omukiintu e na uunkundi.

Omukonakoni gwiimbuluma moshitopolwa shaMusati Moses Simaho okwa ti oshingwanima osha holoka momukunda Ondjeka momudhingoloko gwOtsandi.

Otaku hokololwa kutya omulumentu ngoka okwa li aponokele omukiintu ngoka ethimbo kwali ta ende mepya nokumukwata koonkondo.

Opolisi oya yelitha kutya aantu mbaka (omufekelwa noshihakanwa she) oyeli aashinda.

Omulumentu nguka okwa patululilwa oshipotha shekwato koonkondo.