Otjomuise- Orukondua rwa Maheke rwa pwirire oviungura vyo povikunwa vyo nawina ovize vyo po vi namwinyo vyarwe tjimuna ozohunguriva.
Imbwi omburu oumune wonganda yohoromende ndji tjiukisa no ku vasisa kovitamba vyo marandisiro ovyngura vyo tutumbo novikunwa, Agro-Marketing and Trading Agency, ousupi o AMTA. Oyo ndji ma itja uno ndando yo ku pwisa omaunguriro kumwe pokati kovanarupa peke peke motjitamba ihi nu ngunda airi mondjira yok u twa ondando indji mo maunguriro wina otji ya yakura omaøangero okuza ko Nggoneya ya Maheke, Pijoo Nganate, oku kariangera orukondua.
Komurungu omariangero inga wina yari oku ka sembamisa mo Maheke omyano ovakune mbu ma veyenene oku yandja ovikunwa vyao ko AMTA kutja oyo ivi hakaenise kuna otjitamba tjo ma randero ozomberoo, ozo ministeri no zo nganda ozo kuramenepo no zo ungurire po zo horomende na wina ozonganda ozorandise zo vihepwa ko tjiwaøa.
Mouyenda wayo imbwi komaheke mo mamautiro wo mweze imbwi o AMTA ya ka yendekera kutja ovaÞuta ovengi mbu ma ve yenda yenda kavena ounongo wo mbutiro movikunwa naindo orusepa aruhe ovyo kuvyasere oku hondja. Munao otji penohepero o AMTA oku tuurungira mo mberoo yo Ngooneya no Ministeri yOtutumbo nOvikunwa, Omeva nOmatungururiro Wehi okuungurwa kumwe oupapi nouparanga otjo tjimbumba tjimwe. Otjondjira komurungu o AMTA ya tanda oku zikamisa ondanda mEpako oku vatera ovatuta oku twara oviungurwa vyawo kovarande poo kovevihepe. Okuza nganda oyo yautwa ovikando no vi kando iriangera Omaheke, pendje no ku ka kara norupa mo maraisiro wo tutumbo novikunwa, oku ka pangiøa ovaÞuta otja tjii tjita wina kotukondua twarwe mehi tutukuna.
O AMTA puno ruhindo rwo Ngooneya rwa kariangera ovakune no vaungure vo vi kunwa mo zo ndendera za Pako, Otjinene, Epukiro, Omongua na Kanaindo. Oyo mai kayenda komurungu oku riangera no ku hungira kuno ovaÞuta mOmaheke oku pamisa ongaro kunawo nawina omaunguriro woviungurwa oku yeneneka otjiungura tjayo. Otukondwa twarwe tu ma ikariangera noho Otjozondjupa, Okunene naitwo twa Kavango omieze vitatu mbi ma viya.