Ekwamo riri kepoha ro tjioungura tjo kuteza omakuruhungi wo Tjitiro Otjindjandja no ku yetwa mo vi perendero wouye wa kandinondi otjo u hatoi kutja ko Vaherero nOvambanderu kwa tjitirwe tjike.

Okwiisira ko TjiÞiro Otjindjandja tji tja tjitwa kuwo okuza indi ohuurire yOvandoitji tjiya uta mehi indi ndaa ri tjiikwa kutja o South West Africa yOvandoitji. Ohuurire ndja zeuparisiwa iyo ombongarero ya Berlina ndja uta mo 1884 ngatuu mo 1885 oyo tjiya kakara no zongutiro muzo mu mwari okupamisa kutja omahi ya Africa nga huurwa iyo mahi wa Europa peke peke ma ye rire owini nambano womahi ingo no Namibia aririsiwa owinin wEhi rOvandoitji. Otja tji pe tjiukwa kutja Okahandja ongumbiro yOvaherero kapari otjirongo tjarwe pendje natjo otjiungura ihi oku kayendera mo nu munao oohatoi peke peke zo Tjitiro Otjindjandja mo mu riu wo zondekurona zatjo okuza ko Ritjatatu nganduu kerero otji za uharere ama zevatere ozonongo no ku teza omakuruhungi oku ye tutumuna no viungurisiwa vio ruveze rwa kandinondi. Mumwari kutja mbu ma veye zemburuka otja tji va serekarererwe iyo ovakuru vao mave kondjisa okuzemburuka kutja nandarire indo zonganda oruveze indo za turire vi nu pi. Owo tji zazu no ku tuwa mo viperendero tji ma tjiyandja omasa nandarire ko ngondjero yo ma kotorero wehi ro tjizeero. Otjimbumba ihi nai tja kariangerere otuveze tjimuna Ondundu ya Tjozondjupa no Zombuzovindimba mbi tja kaperendere tjazumba tjingurise oviperendero imni okuza komaserekarerero wozondekurona tji tutumuna otuveze itwi otja tji twari komurungu wo huurire kutja irire ouhatoi womahi no pona ozondekurona zo Tjitiro Otjindjandja paa ze turire ko murungu wo huurire no TjiÞiro tjazo Otjindjandja.