Home / Omaraisiro ya Tanaukire kOkondjatu Omaraisiro ya Tanaukire kOkondjatu
I Kae Matundu-Tjiparuro OTJOMUISE Omaraisiro wo vinamwinyo pokati korukondua rwa Maheke na Tjozondjupa ngari a mayeutu Omandaha mOkakarara yarundirurirwa kOkondjatu momayuva ngu mayetjivisiwa kombunda. Omarundururiro inga yaetua iyo kuhina kuyenda kumwe kwo vanarupa mumuna tjiva mbu mave vanga kutja yeka kare kOkamatapi natjiva mbu mavetja mena rokutja Okakarara ombura indji oku kasere oku sekirisa omaraisiro wa Tjozondjupa ngeheriko ombura indji, munao otji kasere okusekirisa inga wo pokati kotundua atuyevari inga. Natjiva vo vanarupa mbu mavetanda okuri henununa momaraisio inga Okondjatu otjarire oruveze oruhanganise. Ngunda aperi nao kutja mOmaheke na Tjozondjupa kamuna kukara omaraisiro wovinamwinyo ombura indji nu ngwari ma pekara omaraisiro pokati kotukondua atuyevari itui ondiero yo tukondua otuni nungwari kamena rokutja epango rozongetjefa ndivatera otukondua notjimariva karina otjimariva, Omukaendise wOvyungura mehika rovatuta indi o Namibia National Farmers Union (NNFU), Vehaka Tjimune, wa kahurura nao ko New Era. O NNFU okanepo kepango ndivatera notjimariva. Tjimune watja epango indi ombura indji ra kwizika o N$430,000 ko maraisiro motukondua tuo kozombanda notutu atuhe kumwe o 46 ombura indji tuaningira otjimariva kuro. O N$230,000 ro tjimariva ihi tja turikirwa omaraisiro pondondo yo zoresevate ngunda o N$200,000 a tja turikirwa omaraisiro wo tukondua tuo resevate. Watja otukondua tune otu tuatjita omaningiriro kombatero nu munao aruhe otji maruhavara o N$50,000. Kapena otukondua tu tuaningira ombatero komaraisiro yopokati kotukondua. Munao Otjozondjupa (N$50,000) na Maheke (N$50,000) opu tueri tiera okutua otjimariva tjato tja tjatjirira tjomarisiro motu kondua itui pamwe komaraisiro yemwe uriri ngeri pokati kotukondua atuyevari itui. Omuhaamise wOvihavero vyehika rotutu tuovatuta tuokozombanda mo Tjozondjupa, Otjozondjupa Communal Farmers Union (ORFU), Benestus Kandundu, watja mena rowingi wo maraisiro mo zoresevate kahepero okuhana ombatero indji komurungu pokati komaraisiro wo zoresevate no wo pokati kotukondua. Watja okuriyaruka mozondjatu zato otuni otutu tuovatuta tuotukondua tuna omerizirira peke peke tjimuna omayendero wo vinamwinyo no kusuta omeva pendje no kutja wina otjiwana matjihepa omahongero kutja otutu tuovatuta tuute oku risekamena no ku rikuramena momaraisiro wato. Wina waraisa kutja otjimariva tjitji hununwa komarandisiro wo vinamwinyo natji kapita kotutu tuovatuta katjina ondengu tjinga atji tjisuta ovaungure votutu tuovatuta potuveze peke peke tuo marandisiro nawina atjisutu ovitoore. Ngunda aperi nao Job Hengari Aminuis Farmers Association (AFA) mamunu kutja pena otutu novandu ovengi peke peke mbemuna otji huhunwa mariva ihi pu pehina ohepero otjo nai tjitjarira ehwe ra nguna epingo nondjou ya nguna enga. Kandundu waitavere na raisa kutja ovo mOtjozondjupa veri mondjira yokutuna otjina ihi orondu nai vena okomiti imwe yomaraisiro no yomarandisiro.
Your experience on this site will be improved by allowing cookies.
