Omunani gwombaanga yiikulya moshilongo Tangeni Mwashekele okwati eyandjakaneko lyiikulya otali ende nawa sigo oompaka.
“Etopolo lyiikulya otali ende nawa lela. Sigo oompaka otuna uumbaku mboka twa pewa kaantu kutya etopolo lyiikulya olya hwepopaleka oonkalamwenyo dhawo osho wo aanegumbo yawo,” ta ti ngaaka.
Mwashekele okwati ehangano ohali gandya iikulya komagumbo 11 000 naantu ye thike 45 000 mondoolopa unene tuumomahala ngoka muna aantu ye na oluhepo lwamememe.
Ombaanga ndyoka ya li ya patululwa koMupelesitende Hage Geingob mo 2016 oya li ya totwa opo yi kwashipaleke kutya aantu unene tuu mboka ye na iiyemo yi li pevi lela kohi N$400 ita ya si ondjala.
Nonande ya taalelwa komashongo giikulya itaayi thiki pethimbo poompito dhimwe, omunani gwoombaanga okwati oha ya kambadhala okuthikitha iikulya kaakwashigwana pethimbo.
Yamwe mboka ya li ya yi moonkundathana na New Era metiyali oyali ya pandula epangelo sho tali tsikile nokusila oshigwana oshimpwuyu moku ya pa iikulya.
Emiliana Munyala okwa holola kutya iikulya okweyi pandula noonkondo.
“Ando okwali ngiika ihaandi pewa iikulya andola onda sa nokondjala. Ashike ngaashingeyi aluhe ondina iikulya yo kupa uunona wuye wa makela kosikola,” Munyala ta ti ngaaka. Okwati okwali ta hupu shokadhila okuhupitha egumbo lye ashike paife onkalamwenyo ye oya hwepo pala. Mwashekele okwagwedha ko wo taati mboka ha ya pewa iikulya oya tegelewa ya ka kale haya pewa iimaliwa konima yomvula tayi ya.
Okwa hokolola tati membo lyo Harambee Prosperity Plan 2 okwa tegelelwa iikulya yi kaze po, opo aantu ya pewe iimaliwa.
Ota hokolola kutya shino osha thaanekwa shi ka hwepopaleke oonkalamwenyo dhaantu shivulithe mpa ye li oshoka otaya ka pewa ompito yoku landa shoka kehe gumwe a pumbwa megumbo lye.
Okwa yelitha kutya aantu oyena oombumbwe dha yooloka, yo a aluhe ha ya kala owala ya pumbwa iikulya.
Okwati otengenekwathaneko ndjika oya tegelelwa oku ka tulwa miilonga mo 2023. “Mongaashingeyi otwiipyakidhila noombaapila a tu tala nkene ondungethaneko ndjoka tayi keendhithwa.” Ta hokolola ngaaka.