• August 3rd, 2020

Ombepo yo maunguriro kumwe ya utire okuhinga?


Otjomuise- Ovengi mbazuvire kutja ovanane ovengi vOvaherero nOvambanderu mba na ngerwe ko ma zemburukiro wo zombura o 50 zondiro yOmbara Otjitambi yOvaherero, Katjikururume Hosea Komombumbi Hoveka, va ze rire kutja oo mautiro wo ma hingiro yombepo yo mbwaneno.
Omazemburukiro inga ngari mOkahandja omayuva wo ma suviro ngazuko yeere ya kapitire. Hapo otjo tjiri ombepo yo mbwaneno poo tjeheri yo mbwaneno nai ngunda yo ma unguriro kumwe  pokati komihoko, tjinene imbi vyo Vaherero no Vambanderu ya u tire oku hinga? Nandarire kutja ngunda oyondji yo ma unguriro kumwe uriri?  Kapena oukahuke mbu te ki ngunda nai kutja otji tjiri oviwana nambano mavyutu oku kayenda pamwe, nu tjinene mOtjiÞiro Otjindjandja.  Ngunda ohani nji karapo pokati kaimba mbe ka yenda puno’ horomende mo ku kondja omazengururiro wo TjiÞiro Otjindjandja no tjisuta munda umwe naimba nai mbeheri mo tjihungiriro ihi nu mbe paha oku rihungurira oveni. 

Posia ngunda rukuru apena oha¿i indji, pe mu nika wina ayo mo ka ti kaimba mbe kara ave  kawondja pamwe mOtjitiro Otjindjandja nai, nu mbeheri mo tji hungiriro pokati ko horomende yEhi rOvandoijti no ya Namibia, pe yenda yenda ombepo ndji heri ondjate. Tja tjita kutja nandarire nai tjiva mOtjiuana tjOvambanderu nganduu tja Tjimana mbaa ve haama mOkomiti yOtjitiro Otjindjandja nai kave tji haama muyo rukwao. Kutja peya vi pe kare nao ngahino otjina ovanane oveni vo viwana imbi naimba mbaa ve kawondja pamwe kutja omo Komiti  yOtjitiro Otjindjandja  poo moviwana imbi mbya tamunwa imba komurungu, ve handjaure otjina ihi kutja otjiwana tji ve twaerere nawa. Nu kavyombo oviwana mbya tamunwa uriri nu ngwari pena poo pari na vyarwe mokomiti indji nai pu pe hina ohongonone ongahu kutja omuviri ngamba vya zi kama otjo tjiku tja tjveva mo komiti indji?

Kakutja ovanane vOuhonapare wOvaherero nowo Vambanderu kehi yOmbara yavo Otjitambi, Omwara Karikondua Nguvauva, otjavivi ihi pokati kutja ou¿epo wo ma uhonapare mOkomiti yOtjiÞiro Otjindjandja, poo opokati kainga omauhonapare oweni. Imwe yo zo ngondjero yo ku nununga tji tji munika ayo otjavivi pokati kounepo wo kOmiti yOtjiÞiro Otjindjandja na wina inga omauhonapare, tjinene imbwi wOvaherero nowo Vambanderu, ombongarero ndja haama mo 2017 mo mweze Suramazeva. Nai ape yarira ozombura ndatu nganda ombongarero indji aya haama posia ngamba ka pe munika ayo muna oma zengururiro ng aka pita muyo. Nandarire kutja kuyo kwa sere kutja ma ku kogorere yarwe yo v haame ovatiti kotjike uriri nu Ozombara Azeembari ovitambi puza sere oku kara. Hapo oyo ya ka tjitavi?  Indi ee pura ndaingana nu ngahino omauhonapare ayeevari inga ye na eziriro. Poo tjiyehina esiriro kutja ombongarero indji ongwa tji ye hiye, orondu ngahino otjavivi tji tja hara okumunika posia ngamba tji tji munika tja tonwa iyo vi¿a vyarwe. 
 


Kae Matundu-Tjiparuro
2020-07-24 10:24:22 | 10 days ago

Be the first to post a comment...

You might also like...