New Era Newspaper

New Era Epaper
Icon Collap
...
Home / Ombudsman kahomokerere eoangero morwa udigu pokatji kokasama novantu

Ombudsman kahomokerere eoangero morwa udigu pokatji kokasama novantu

2022-03-17  Maria Sheya

Ombudsman kahomokerere eoangero morwa udigu pokatji kokasama novantu

Ombudsman Basilius Dyakugha kahomokerere epangero morwa awo kuna kugazara nokutura magano gawo goyikorama kwelike, nokutura vadinguli kemeho ano vanya sirongo konyima morwa kapi vana kara nomagano asi ngapi navagusapo udigu ou woudona pokatji kovantu noyikorama, udigu kuna kondora unene moBwabwata national park. 

Age katente asi ministeli yatumbukira vahepa kupopera nomwenyo dovantu. Dyakugha katente asi vantu vatunga mo ntani womaparambo pepi no park kuna ligwederere monomvhura edi 30 ngesi yina kara nye udigu unene vantu noyikorama kuna kurumbasana korunone rosirongo.

Yipo nye yina karere mulyo asi ministeli zahepa kuhageka kurugana noyipepa nye vahepa kutara asi ngapi navapopera vantu morwa awo ngesi kapi vana kara negano lyokupopera vantu kuna kara tupu nelikwamo lyokupopera yikorama. 

Udigu ou ngano nare vaugusapo nye morwa ministeli azo kukara tupu nosinka koyikorama kapisi kovantu. 

Makura ministeli zahepa kukara tazirongo vantu asi ngapi navaparuka novantu noyikorama. Mukaro dona ogu, nare guna gusa guna karapo siruwo ndi nomvhura, ano nayina kuvhura nye kugugusapo omu navameta evhu eli, hawe ngano udigu wangesi tautundupo morwa apa ngesi yikorama novantu kuna kuruganesa marunone gamwe tupu, evhu, mema ntani yihwa yimo ana kutanta Dyakugha. 

Yimo ngoso ana kutwaredera magano gendi omu navagwanenamo mauwa mevango eli ngovaNamibia kunakumoneka asi magano aga kuna kutunda koministeli awo kuna kara asi vadinguli komeho venya sirongo esi. 

Dyakugha katente asi eyi kuna kiugava efano lyedona morwa vantu kuna kukwama magano gopampo ano eyi ava gwanamo momalikwamo aga, kuna kara asi awo ngano kuligavera vatungimo navenye. 

‘’MET kuna kumoneka nawa nawa kapi vana kutara eparu lyovantu, morwa nomvhura dononzi yina gusa, ministeli kwakara tupu kowo vagusamo makura wokuhupako vakare, ntani awo nkenye apa kunyoka kugwanekera novatungimo asi valiyonge novantu navenye vatunga moBwabwata omu ngano navavapamo asi egano musinke vana kara nalyo ndi asi ngapi vana kugaununa evhu eli, yimo ngoso ana kuhuyunga Ombudsman. 

Omu kageve egano lyendi asi ministeli ngano ngapi nazirugana omu navatura matare yipo asi yikorama yahepa kuyanwa mema komukuro yipo nye asi yahakasika oku vatunga vantu. 


2022-03-17  Maria Sheya

Share on social media