• August 5th, 2020

Omekurisiro wOvakuruha aire ombitirapo okuyeka ovandu ehi


Otjomuise- Omatungururiro wehi kayesere okusana kokuhukura ingwi ngumangara una okambanda korutu okuhwikika ingwi ngumakuzu uri muzu.
Otjimbumba tjehi rotjizeero matji tja nao ama tjiraisa kutja okutjita nao kakuna oku zengurura ouhepe wehi mburi mehi owo mbwahingi okuza kombura indji o 1670 ovakwatera ovazoozu ovenehi tjivauta okuyekwa omahi iyo zo horomende zo huurire zo mahi wopendje tjinene wa Europa.

Otjimbumba ihi kehi ya Jarii Tjeja Tjatindi Oritjatatu otji tjeere komrungu wOtjirata tja Maheke Tjomahi wa Kangamua oku kuramenepo noku raisa ouzeu wovature vomahi wa kangamwa mo zo resevtae tjimuna Otjinene na Eiseba. Movature imba muna Martin Ukarera¿i wa Tjinene na Methold Katjiuongua wa Eiseba. Owo otjivena ouzeu no nehi ovirata tjiva vyombazu mbi ra kekera ohoromende kutja riungurisiwa ko ma handurisiro wOvakuruha. Otjimbumba ihi tjom ngurameno youktuja ehi eotjizeero rovakwatera oveni karisere oku randisiwa, matjitja owatjiri wehi mo Namibia oro raya nombinÿu ndja nonokisiwa iyohuurire, oukarere nOtjiÞiro Otjindjandja nu ngamba ondatumisire mehi ikayenda komurungu mo mwano omupe. Oro rivakwa mo tjiwova tjimuna ihi nai tjimakuzu omekurisiro wOvakuruha. Matjitja ovakuruha kavesere okurira ombitirapo okuyeka imba nai mbahendekwa rukuru owo wina mbayekewa omahi wao.  Munao otji ma tjimunu kutja komatungururiro omasemba no ma pwe  ovandu vasere okuyaruka kotjitiha avehaama pamwe avehe mu muna ohoromende novanarupa avehe. Matjitja omakarero nehi otjina avehe mu va sere okukara norupa, otjihoninwa noukeke nu tjitjihasere okupatera kaa¿i pendje. 

Tjiyari 23 ku Tjitarazu ombura ndjazuko Otjirata tja Maheke Tjehi Rakangamwa otji tja tjivisa otjiwa¿a kutja Omberoo yo Peresidenda yOkehi ya ningira ousemba ko wo ku yazema ehi oure wo zombura 99 ko Tjirata tja Maheke Tjehi Rakangamwa ko tjiungura tjo ku tunduuza Ovakuruha. Munao otji tja tjivisa ovature vomahi  nga ningirwa utja venozeu otjo okwiitavera komaningira inga no kue yazemisa ehindi.m Ovature vasere kutja oruseinina tjiyari 10 komweze imbwi poo komurungu wa nao otji va hitisire kangamwa ouzeu mbuvevawo kotjirata. 
Ehi nda ningirwa iyo Mberoo yOperesidenda yOkehi , oyo nguya ningirira oututa wovipuka na wina otumbo twondjeverero yovipuka vyo kutu, ozo heketara 32,661 po Tjiuapehi mOakarukondua Komatoororero ka Tjombinde opo mombazu pu pe nanena Ouhonapare wa Hoveka; ozo heketara o 13,475 po Tjiuamapeta mOkarukondua Komatoororero ka Pukiro pupe nanena Ouhonapare wOmbazu wa Maharero no zo heketara o 30,840 po Murambawambombapa pupe nanena Ouhonapare wOmbazu wOvambanderu. 

Munao ovature peke peke otji va raisa ouzeu wao. Ehi nda ningirwa iyo Mberoo yOperesidenda yOkehi , oyo nguya ningirira oututa wovipuka na wina otumbo twondjeverero yovipuka vyo kutu, ozo heketara 32,661 po Tjiuapehi mOakarukondua Komatoororero ka Tjombinÿe opo mombazu pu pe nanena Ouhonapare wa Hoveka; ozo heketara o 13,475 po Tjiuamapeta mOkarukondua Komatoororero ka Pukiro pupe nanena Ouhonapare wOmbazu wa Maharero no zo heketara o 30,840 po Murambawambombapa pupe nanena Ouhonapare wOmbazu wOvambanderu. 

 


Kae Matundu-Tjiparuro
2020-07-24 10:35:57 | 12 days ago

Be the first to post a comment...

You might also like...