New Era Newspaper

New Era Epaper
Icon Collap
...
Home / Omulumenhu a lemaneka okaana kavo

Omulumenhu a lemaneka okaana kavo

2022-08-23  Festus Hamalwa

Omulumenhu a lemaneka okaana kavo

Omulumenhu weedula 36 okwa kwatwa po eshi vati a denga nokulemaneka okaana kaye keemwedi hetatu noshoyo ohonda yaye pefimbo kwa li tave lidenge.

Oshiningwanima osha ningwa mexuliloshivike komukunda Okapundja moshitukulwa shaKunene.

Omukonakoni woimbuluma wopolifi moshitukulwa shaKunene Omupedu Commissioner Paavo Iiyambo okwa hokolola ta ti omufekelwa okwa li tave lidenge nohonda  yaye ou e li oye ina yokaana.

Vati okudja opo omufekelwa okwa kufa oshikulumbwati ndele ta langaula ohonda yaye nokonima okwa fululukila mokaana ndele te ka denge noshikumbwati komutwe.

Oonakuninga oihakanwa aveshe ova twalwa koshipangelo shaPuwo opo vaka mone epango lopaunamiti lomeendelelo.

Opolifi oya hokolola tai ti omukainhu oku li monghalo i li xwepo ashike okaana vati oke li monghalo ita i nuwa omeva.

Omufekelwa ota holoka momhangu Etivali eshi tapangulilwa oshibofa shomomahepeko omomaumbo.

Eshi a kwatafana naKundana minista youkashike kookanhu nonghalo nawa yokaana Doreen Sioka okwa kunghilila oshiwana opo shi kale tashi lopotele opolifi eembelewa davo doukashike kookanhu dili moitukulwa ya yooloka.

Sioka okwa ti ovanhu tava ningile vakwao omahepeko momaumbo nava lopotwe opo va kale va kwatwa po diva.

Okwa kunghilila oshiwana opo shi longele kumwe momidingonoko davo okukondjifa omahepeko oukashike kookanhu.

fhamalwa@nepc.com.na


2022-08-23  Festus Hamalwa

Share on social media