Uuministeli wuunamapya, omeya niikwamavi owa pititha omushangwa kutya, omolwomukithi gwekondo nelaka ngoka gwa indjipala moSouth Africa, kape na onyama nenge oshimuna tashi ka pita okuya moNamibia.

Wanyola kutya, kapena oshimuna nenge onyama tayi kapita oongamba dhaSoutha Africa okuya moNamibia.

‘’Ngele shika inashi keelelwa mbala, omukithi ngoka otagu indjipala sigo omoNamibia go gu etele iimuna uupyakandhi,” tawu ti ngaaka.

Uuministeli owa ti, iihauto ayihe tayika pita poongamba mpoka otayika hadhwa, okutala ngele opena ngoka taya kele oshimuna nenge onyama moshilongo.

“Ota tu kumagidhwa kehe ngoka taka taa guluka oongamba ndhoka kaa ninge shoka sha indikwa,” wa kumagidha ngaaka.

Uuministeli natango owa gwendhele ethimbo lyoku kondolola omukuthi gweshikisha lyiikwamawawa tagu ithanwa Highly Pathogenic Avian Influenza (HPAI).

“Omilandu ndhoka dha li dha tulwa po okukondolola omukithi ngoka gu taandele moshilongo okwa li dha longo nawa no tadhi tsikile,” wa fatulula ngaaka.

Wa pititha kutya omukithi ngoka okwa li gwa lopotwa gwa ndhipaga uundhila wa pita 1000 koWalvis bay.

Ya ti, iipotha yimwe natango okwa li ya lopotwa momundhingoloko goSwakopmund.

“Ota tu kumagidha aanafalama yiikwamawawa moshitopolwa shErongo ya gwanithe po oshowo ya landula omilandu dha tulwa po okutsikila okukondolola omukithi ngoka kaagu taandele miikwamawawa,” wa kumagidha ngaaka.

Caption: Kapena onyama nenge oshinamwenyo tashika pitikwa moNamibia okuza koSouth Africa omolwa omukithi gwekondo nelaka

– vkaapanda@nepc.com.na