Easy access at the tip of your fingers, subscribe to our daily ePaper version of our New Era Newspaper.
Home / Ookansela yoSWAPO mOliindili Ya Shunwa mIilonga
Ookansela yoSWAPO mOliindili Ya Shunwa mIilonga
2006-05-19Staff Report 2 "WINDHOEK Oshituthi sheganitho lyiilyo yOkomitiye yEwiliko mOndoolopa yaLiindili osha ningilwe mOmaandaha, sho ookansela yahamano mboka ya kuthilwe miilonga ya shunwa miipundi yawo nando pwa kala ok-waauvanawa kombinga ye-shunomiilonga ndika. Emilia Amupewa okwa hogololwa Meya gwaLiindili, shoka sha ninge a kale Meya ngoka a longa ethimbo ele noonkondo okuza momumvo 1998. Meme Amupewa okwa fudhile po omvula ya zi ko sho oshipundi sha kuthilwe ko kuGeorge Shimaneni. Omupopiliko gOndoolopa yaLiindili, Shali Akwenyenga oshowo Meya oya ti oshituthi sheganitho osha enda nawa. Wilhemina Sylvester okwa hogololwa omupeha-meya, Si-mon Haindongo okwa ulikwa omunashipundi gwokomitiye yewiliko, omanga Perscah Mafale omupeha gwe. Jo-hannes Valombola okwa ningi oshilyo shi ihwapo melelo lyondoolopa, omanga Shi-maneni a ningi oshilyo sha gwedhwa po mokomitiye yewiliko. Kansela goDTA, Jennifer van der Heever, oku li wo oshilyo shelelo. Ookansela yahamano okwa li ya kuthwa miilonga kOko-mitiye yoSwapo yopashito-polwa mOliindili omathimbo ga zi ko, nomatompelo inaga vula okuhololwa komuun-ganeki gopashitopolwa Erick Endjala. Ombilive okuza komuun-ganeki goSwapo moshitopol-wa shaLiindili, ndjoka ya pewa ookansela mboka, otayi ti etokolo oku ya kutha miilon-ga olya ningwa pethimbo lyomutumba gowina goSwapo moshitopolwa shoka omathimbo ga zi ko. Kakele ekuthomiilonga ndika olya ekelwahi oshiwike sha zi ko, sho ominista yi nasha niinima ya guma oma-lelo gopaitopolwa noondoo-lopa noku li amupeha-amu-shangandjayi goSwapo, John Pandeni a gandja elombwelo ookansela ya shunwe miilonga moompadhi oontalala. Pandeni ota ti omalandu-lathano okukutha aanambe-lewa mbaka miilonga inaga landulwa moku ya tidha. Meya Amupewa ota ti ye ina gandja ombedhi kaantu mboka taya yambidhidha ekuthomiilonga lyawo oshoka, ""oya na longitha uuthemba wawo ngaashi ye wu tseya. Ya etheni ya ninge shoka ye uvite oshi li mondjila."" Ta ti: ""Ka-sha li tashi vulika tu shunwe miilonga ngele okwa li twa ninga sha shapuka."" Oshig-wana osha ningile oshigongi mOsoondaha tashi nyenyeta eshunomiilonga lyookansela yahamano, ihe Endjala ota ti ongundu yoSwapo kayi na mo okanyala moshigongi shoka. Omuunganeki nguka ota ti shoka shi li po osho shoka kut-ya ookansela oya shunwa mii-longa, ""notu na ashike okwii-yutha kusho."" Endjala ta ti okwa li a hiywa koshigongi shoka opo a ka gandje omayamukulo, ihe okwa ka tidhwa po lwani- ma. Pandeni ota ti oma-landulathano nooveta inadhi landulwa nawa, nonando eto-kolo pandondo yopashitopol-wa okwa li lya tseyithilwa ombelewa onene yoSwapo, ookansela ka kwa li ye na okukuthwa miilonga pwaa na omukanda okuza kongundu. Pandeni ta ti oonkatu dhoka dha kwata miiti okukutha miilonga ookansela mboka ya tulwa po kEpangelo odha nika ekuyunguto. ""Ito vulu oku-lombwela aantu kutya osho ashike wa ninga po shoka."" Ongundu yoSwapo oya nyolela ombelewa yewilikon-gundu lyopashitopolwa, noku ya lombwela ya shune miilon-ga ookansela. Mokupulwa kutya pandondo yongundu oshike hashi vulu okutidhitha miilon-ga pakathimbo ookansela, Pandeni okwa ti ina tseya nando ""ekotampango ndyoka tali ya pe oonkondo dhoka,"" ano okukutha miilonga ookan-sela. ""Inatu hala oku ya pata-neka. Tse otwe ya pa shoka tu na po noshi li miikaha yawo okugandja omadhiladhilo ngoka ye na po."" Okukala aanambelewa yopapolotika, omuunganeki gopashitopolwa ta ti, shampa ookansela ya ndopa miinakug-wanithwa yawo, ohaya vulu okukuthwa pakathimbo miilonga nenge okukuthwa oshimpwiyu shontumba. Onzo yimwe otayi ti elelo omathimbo ga zi ko olya tumbula okundopa kookansela okuungaunga niinima mbyoka ya pumbwa okumona omayele okuza kongundu ongetompelo limwe lyomomatompelo ngo-ka kwa li ga tidhitha ookansela miilonga." 2006-05-19Staff Report 2
